Qurlyqtyq hokkeı lıgasynyń (QHL) arnaıy komıssııasy 13-shi aptany qorytyndylap, ótken jeti kúnde úzdik oıynymen kózge túsken oıynshylardyń esimin atady. Olardyń qatarynda «Barys» oıynshysy da bar.
Elorda komandasynyń hokkeıshisi Roman Starchenko aptanyń úzdik shabýylshysy atandy. Ol komandamen birge syrt alańdaǵy úsh oıynnyń ekeýinde jeńiske jetip, tórt shaıba soqty. Bul osy aptadaǵy eń úzdik nátıje. Qazaqstandyq klýb oıynshysy aptadaǵy barlyq oıynda gol soǵyp, «Sochı» qaqpasyna dýbl jasady.
Sonymen qatar «Kýnlýn Red Star» klýbynyń qaqpashysy Shımon Grýbes, «Iokerıt» komandasynyń qorǵaýshysy Mıkko Lehtonen ótken aptanyń úzdigi atandy. Al «Vıtıaz» qorǵaýshysy Danıll Pylenkov «apta jańalyǵy» syılyǵyn ıelendi.