Elbasy Nursultan Nazarbaev «QazMunaıGaz» UK» AQ basqarma tóraǵasy Saýat Myńbaevty qabyldady.
S.Myńbaev ulttyq kompanııanyń birinshi jartyjyldyqtaǵy qyzmetiniń qorytyndysy týraly habardar etti jáne taıaý keleshektegi josparlar týraly aıtyp berdi.
Nursultan Nazarbaev «QazMunaıGaz» UK» AQ otandyq iri kompanııalardyń biri bolyp tabylatynyn, elimizdiń ekonomıkasynyń damýy kóp jaǵdaıda onyń qyzmetine baılanysty ekenin atap ótti, sondaı-aq tehnologııalyq kúrdeli jobalardy iske asyrý úshin ózimizdiń joǵary bilikti kadrlarymyzdy daıarlaý qajettigine nazar aýdardy.
Kezdesý qorytyndysynda Memleket basshysy qaralǵan máseleler boıynsha birqatar naqty tapsyrmalar berdi, dep habarlady Prezıdenttiń baspasóz qyzmeti .