Japonııanyń Nagano qalasynda konkımen júgirýden álem kýbogynyń tórtinshi kezeńi ótip jatyr. Komandalyq sprıntte qazaqstandyqtar 9-oryndy ıelendi, dep habarlady UOK baspasóz qyzmeti.
Roman Krech, Stanıslav Palkın, Artýr Galıev jáne Artem Krıkýnov tórttigi 14 komanda arasynan 9-satyǵa turaqtady. Tórtinshi kezeńde Reseı quramasy top jarsa, Japonııa men Kanada kúmis pen qolany enshiledi. Al álem kýbogynyń tórt kezeńi qorytyndysy boıynsha, Qazaqstan úshinshi oryn ıelendi. Bizdiń qurama enshisinde 290 upaı bar.
Osylaısha, Dmıtrıı Babenko baptaıtyn Qazaqstan quramasy jekelegen qashyqtyqtar boıynsha álem chempıonatyna joldama aldy. Jalpy komandalyq esepte Nıderland quramasy 440 upaımen kósh bastady. Ekinshi orynda 316 upaıy bar Shveısarııa quramasy tur.