Jartylaı orta salmaqta judyryqtasatyn qazaqstandyq boksshy Batyr Júkembaevtyń (17-0, 13 KO) kelesi jekpe-jeginiń merzimi belgili boldy.
BoxRec málimetinshe, WBA Continental jáne IBF Inter-Continental beldiginiń ıegeri Júkembaev sharshy alańǵa 2020 jyldyń 25 qańtarynda oralady. Boks keshi Kanadanyń Monreal qalasyn ótedi. Qarsylas ázirge belgisiz.
Otandasymyz sońǵy jekpe-jegin osy jyldyń qyrkúıek aıynda ótkizip, álemniń eks-chempıony, orta salmaqtaǵy áıgili meksıkalyq Saýl Alvarestiń qarsylasy bolǵan Mıgel Vaskesti (41-8, 15 KO) tóreshiler sheshimimen jeńgen edi. Sondaı-aq sol aıqasta qandasymyz WBA Continental jáne IBF Inter-Continental tıtýlyn ıelengen-di.