О́tken senbi kúni kásipqoı boksta baq synap júrgen Danııar Eleýsinov pen Aıdos Erbosynuly kezekti reıtıngtik jekpe-jekterin ótkizip, qarsylastaryn aıqyn basymdyqpen jeńdi.
Jartylaı orta salmaqta judyryqtasatyn Danııar Eleýsinov AQSh-tyń Arızona shtatyndaǵy Fınıks qalasynda ótken kásipqoı boks keshinde sharshy alańǵa kóterilip, amerıkalyq boksshy Alan Sanchesten tehnıkalyq nokaýtpen basym tústi. 10 raýndqa josparlanǵan kezdesýdiń tórtinshi raýndynda Sanches sol kózinen jaraqat alǵan soń, dárigerler oǵan jekpe-jekti jalǵastyrýǵa ruqsat bermedi. Osylaısha otandasymyz kásipqoı bokstaǵy toǵyzynshy jeńisine qol jetkizdi.
Al Reseıdiń Krasnoıarsk qalasynda jekpe-jek ótkizgen ekinshi orta salmaqtaǵy qandasymyz Aıdos Erbosynuly venesýelalyq Omar Garsııamen judyryqtasyp, segizinshi raýndta tehnıkalyq nokaýtpen jeńiske jetti. Bul otandasymyzdyń kásipqoı bostaǵy 13-shi jeńisi. Sondaı-aq Aıdostyń enshisinde WBO Global, WBC Asia jáne WBA Inter-Sontinental beldigi bar.