Búgin Májilis depýtattary, «NurOtan» partııasy fraksııasynyń músheleri Meıram Pishembaev pen Nurlan Áshimbetov Pavlodar oblysyndaǵy et óńdeý zaýytynyń eńbek ujymymen kezdesti. Bul týraly Parlament Májilisiniń baspasóz qyzmeti habarlady.
Onda depýtattar etti qaıta óńdeýdiń tolyq sıklimen tanysty jáne QazAgroQarjy memlekettik baǵdarlamasy boıynsha nesıe berý, shaǵyn jáne orta bıznesti memlekettik qoldaý máselelerin talqylady. Jańaaýyl aýylynda ornalasqan «Abaı» JShS - aýylsharýashylyq ónimderin satýmen aınalysatyn respýblıkadaǵy iri agroqurylymdardyń biri bolyp tabylady.
Májilis depýtattary eýropalyq óndirýshilerdiń zamanaýı jabdyqtarymen jáne álemdik standarttardy saqtaı otyryp avtomattandyrylǵan tehnologııalyq úderistermen tanysty. Jabdyqtyń tehnıkalyq sıpattamalaryna sáıkes, kombınattyń óndiristik qýaty 100 myń tonnadan kem bolmaıdy.