Parlament Senaty Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Vladımır Volkov Almaty oblysyna jumys sapary aıasynda Qarasaı aýdandyq prokýratýra qyzmetkerlerimen kezdesip, birqatar nysandardy aralady.
Bul kezdesýge Qarasaı aýdanynyń ákimi men polısııa basqarmasynyń basshylyǵy qatysty.
Senator kezdesý barysynda ákimshilik jáneqylmystyq zańnamany, quqyq qorǵaý jáne sot júıelerin jetildirý aıasynda qylmystyq proseste azamattardy qorǵaý deńgeıin arttyrýǵa, urlyq, zorlaý, esirtki taratý jáne brakonerlik úshin jaýapkershilikti kúsheıtýge baǵyttalǵan zańdar qabyldanǵanyn atap ótti. Onyń ishinde ákimshilik-delıktik zańnamany jetildirýge, ákimshilik zańnamany izgilendirý jáne jazalaý deńgeıin tómendetýge; sot qyzmetin odan ári jańǵyrtýǵajáne sýdıalardyń sheshim qabyldaý kezindegitáýelsizdigi men derbestigin arttyrýǵa; sot tóreligin atqarý sapasyn joǵarylatýǵa, sýdıalyqqa kandıdattardy irikteý tásilderin ońtaılandyrýǵaarnalǵan zańdar bar.
Parlament qabyldaǵan mańyzdy zańdar Elbasynyń tapsyrmalaryn jáne Prezıdent Qasym-Jomart Toqaevtyń saılaýaldy tuǵyrnamasy men Joldaýyn iske asyrýdy qamtamasyz etýge baǵyttalyp otyr.
Vladımır Volkov quqyq qorǵaý organdarynda júzege asyp jatqan reformalardyń negizgi erejeleri týraly aıtyp berdi, onyń negizgi mindeti azamattardyń konstıtýsııalyq quqyqtaryn múltiksiz saqtaý jáne qorǵaý bolyp tabylady.
Depýtat Áıteı aýylyna sapar aıasynda memlekettik-jekeshelik áriptestik aıasynda salynǵan úsh qabatty 1200 oryndyq mekteptiń ǵımaratymen tanysty.
Kezdesý barysynda az qamtamasyz etilgen otbasylardaǵy balalardy qoldaý, pedagogıkalyq jáne ata-analar ádebi týraly da talqylandy.
Depýtat aýyldyq eldi mekenderdi jáne turǵyn úı-kommýnaldyq sharýashylyqty damytý máselelerine erekshe nazar aýdardy. Ol jalpy uzyndyǵy 21,3 shaqyrym bolatyn Qaskeleń toptyq sý qubyrynyń birinshi kezektegi alǵashqy iske qosý kesheniniń jumysyn zerdeledi. Bul jobanyń ereksheligi – ol tolyq iske qosylǵanda Kaskeleńnen basqa aýdandaǵy 23 eldi meken taza aýyz sýmen qamtamasyz etiletin bolady.
Vladımır Volkov sapardy qorytyndylaı kelip, onyń basty maqsaty –jergilikti jerlerdegi istiń jaı-kúıin zerdeleý jáne azamattarǵa qajetti jaǵdaıdy zańnamalyq deńgeıde sapaly túrde sheshý ári ómir súrýge qolaıly jaǵdaı jasaý úshin qajet jaıttardy aıqyn túsiný ekenin atap ótti.