Qyzylorda oblysyndaǵy Áıteke bı kentinde «AQUA SERVICE» atty erekshe kólik jýý ortalyǵy ashyldy. Ortalyqqa kelýshiler kólikterin ózderi jýady. Ol úshin qajetti jaǵdaıdyń barlyǵy jasalǵan.
Úlken qalalarda ǵana kezdesetin osy qyzmet túrin aýdanǵa alǵash alyp kelgen jas kásipker Erkin Aldanazarov ıdeıasyn iske asyrý úshin «Bıznestiń jol kartasy – 2020» baǵdarlamasynyń kómegine júginipti. 8,7 mln teńge nesıe alyp, is bastaǵan ol munda kelgen avtokólik ıelerine qarjysyna qaraı mashınalaryn tazalaýǵa múmkindik jasalǵanyn aıtady. Ortalyqta tutynýshylarǵa arnalǵan kútý zaly da qarastyrylǵan.