Aýstralııanyń Melbýrn qalasynda ótip jatqan tennısten Aýstralııa ashyq chempıonatynyń úshinshi aınalymyna shyqqan úsh jerlesimiz de jeńilip qaldy.
Eń birinshi kortqa shyqqan elimizdiń birinshi raketkasy Elena Rybakına jarys qojaıyny jáne álemniń birinshi raketkasy Eshlı Bartımen kúsh synasty. Eki setke sozylǵan básekede jerlesimiz 3:6, 2:6 nátıjesimen qarsylasyna ese jiberdi. Úshinshi aınalymda Sımona Haleppen kezdesken Iýlııa Pýtınseva 1 saǵat 19 mınýtqa sozylǵan tartysta 1:6, 4:6 esebimen jeńildi. Sondaı-aq Zarına Dıastyń da Nıderland tennısshisi Kıkı Bertenske shamasy jetpedi. Álemniń 10-raketkasyna qarsy ótken báseke 2:6, 6:7 esebimen Bertenstiń paıdasyna sheshildi.
Al erler arasyndaǵy juptyq básekede Mıhaıl Kýkýshkın men Aleksandr Býblık týrnırdiń shırek fınalyna shyqty. Endi bizdiń sportshylar jartylaı fınalǵa shyǵý úshin aýstralııalyq Djeıms Dakvort jáne Mark Polmanspen kúsh synasady.