Básekege qabilettilikti arttyrý mańyzdy

Senat Tóraǵasy Darıǵa Nazarbaeva Ulttyq ekonomıka mınıstrligi Statıstıka ko­mı­tetiniń, Aýyl sharýashy­lyǵy mı­­nıstrligi Veterınarlyq baqy­laý jáne qadaǵalaý jónin­degi ko­mı­tetiniń ókilderimen, Aq­mo­la, Qaraǵandy jáne Túrki­stan oblystarynyń veterınarııa já­ne aýyl sharýashylyǵy bas­qar­­malarynyń basshylarymen kezdesti.

Ulttyq ekonomıka mı­nıstr­ligi Statıstıka komı­te­tiniń tór­­aǵasy Nurbolat Aı­dap­kelov óz sózinde aýyl sha­rýa­­shy­­­­ly­ǵy salasynyń sta­tıs­tı­k­a­lyq derekteri taýar ón­­di­rý­­shi­ler­diń úsh sanaty negi­zin­de qa­lyp­tasa­tynyn aıtty. Olar­dyń qa­tarynda sharýa nemese fer­­mer qojalyqtary, aýyl sharýa­­shy­lyǵy kásiporyn­dary men jurt­shylyq sharýa­shylyq­tary bar.

Mekeme basshysy mal sharýa­shylyǵyndaǵy statıstıkalyq eseptiń qıyndyǵyn atap ótti. Onyń aıtýynsha, mal esebin júrgizý rásimderi pysyqtaýdy qajet etedi jáne onda aýyl sha­rýashylyǵy malyna chıp paıdalaný arqyly jeke nómir berý men jeke derekter bazasyna engizý ári veterınarııalyq pasport berý bolýy tıis. «Bul chıpter ázirshe sońǵy paıdalanýshyǵa deıin, ıaǵnı veterınarǵa deıin jetkenshe belgili bir ýaqyt ótedi. Osy ýaqyt ishinde maldy eki aınalymǵa jiberýge, ıaǵnı týǵyzyp, satyp jiberýge bolady», dedi N.Aıdapkelov.

Kezdesýde sóz alǵan Aýyl sharýashylyǵy mınıstrligi Veterınarlyq baqylaý jáne qadaǵalaý komıtetiniń tóraǵasy Arman О́teǵulov indetten, onyń ishinde túınemeden ólgen maldy kómetin oryndardy kútip ustaý, abattandyrý jáne salýdy uıymdastyrý úshin qarjy bólý máselelerin jergilikti atqarýshy organdar tıisti túrde sheshpeı kele jatqanyn atap ótti.

Veterınarlyq baqylaý jáne qadaǵalaý komıtetiniń tór­aǵasy sala jumysynyń jaǵdaıyn jaq­sartý týraly birqatar usy­nysyn ortaǵa saldy. Mal­ǵa arnalǵan dári-dármekti jet­kizýde kidiristiń bolmaýy úshin vete­rınarııalyq preparattardy úsh jyldyq kezeńge satyp alý; epızootııa jáne panzootııa, mal urlyǵy jáne zańsyz oryn almastyrý jaǵdaılaryn anyqtaý maqsatynda veterınarlyq polı­sııa qurýdy; memlekettik ve­te­rınarlyq-sanıtarlyq ıns­pektorlarǵa biryńǵaı kıim úlgisin engizýdi usyndy.

«Qazaq ǵylymı-zertteý vete­rı­narııa ınstıtýty» serik­­tes­tiginiń bas dırektory Ahmet­jan Sultanov aýyl sharýa­shy­lyǵyndaǵy óndiris tizbeginiń barlyq satylarynda sandyq tehnologııalardy qoldanýdyń erekshe rólin atap ótti.

Darıǵa Nazarbaeva talqylaý kezinde agroónerkásip kesheninde sandyq tehnologııalardy jappaı qoldaný, sondaı-aq ǵaryshtyq monıtorıng júıesin paıdalaný qajettigine qoldaý bildirdi. «Biz básekege qabilettilikti joǵaltyp bara jatyrmyz. Búgin bizge jyl­damdyq qajet, al sıfrlandyrý oǵan múmkindik berip otyr. Eger shyn máninde, barlyq kúsh­ti osy­ǵan salǵanda óte tez ári qys­q­a merzimde atqarýǵa bolady. Yn­talandyrý kerek», dedi D.Nazarbaeva.

Kezdesý barysynda Qara­ǵandy oblysynyń veterınarııa basqarmasynyń basshysy Qaıyr­bek Tursynbekov mal dárigerleri shalǵaı aýyldarda tap bolatyn qıyndyqtar týraly aıtyp ber­di. Q.Tursynbekovtiń pikirin­she, oǵan eńbekaqynyń azdyǵy, bilikti mamandardyń jetispeýi, standartty veterınarlyq stansa­lar men qyzmet kólikteriniń bol­maýy jatady.

Qaıyrbek Tursynbekov ıesiz mysyq pen ıtterdi aýlaýǵa re­sýrs­tardyń jetimsizdigine erek­she nazar aýdardy. Ol veterı­narlyq qyzmetter jumy­sy­nyń kóptigine baılanysty janýarlardy aýlaý men ustaý má­selelerine nazar aýdarýǵa úlgere bermeıtinin atap ótti.

Senat basshysy qalyptas­qan jaǵdaıdyń sheshimi retinde salalyq mınıstrlik tarapynan qoldaý kórsetýdi usyndy. «Keıbir qalalarda jeke tulǵa­lar óz qarajaty esebinen my­syq pen ıtke arnalǵan osyndaı veterınarlyq pýnkt ashyp otyr. Ol jumyspen qoǵamdyq bir­lestikter, eriktiler, janýarlar­dy jaqsy kóretinder aınalysady. Múmkin olarǵa Aýyl sharýa­shylyǵy mınıstrligi tarapynan shaǵyn qoldaý qajet shyǵar?» – dedi D.Nazarbaeva.

Darıǵa Nazarbaeva kezdesýdiń qory­tyndysy boıynsha Agrar­lyq máseleler, tabıǵatty paı­da­laný jáne aýyldyq aýmaq­tardy damytý komıtetine shara­ǵa qatysýshylar qozǵaǵan prob­lemalyq taqyryptardy zerde­leýdi jáne olardy parlamenttik tyń­daýlarda talqylaýǵa daıyndaýdy tapsyrdy.