О́leńderinen úzindiler jazylyp, arnaıy sórelerge oı alybynyń shyǵarmalary qoıylǵan.
О́skemende Abaı Qunanbaıulynyń 175 jyldyǵyna oraı «Bizdiń Abaı» atty erekshe tramvaı jolǵa shyqty.
Ereksheligi sol, qoǵamdyq kóliktiń syrtynda aqynnyń sýreti bederlense, ishindegi qabyrǵalaryna hákimniń naqyl sózderi, óleńderinen úzindiler jazylyp, arnaıy sórelerge oı alybynyń shyǵarmalary qoıylǵan.
«Bul tramvaıdy jýyqta kúrdeli jóndeýden ótkizdik. Jolǵa shyǵarar aldynda osyndaı oı keldi. Osy arqyly biz uly Abaıdyń rýhanı murasyn nasıhattaǵymyz keledi» deıdi qala ákimi Jaqsylyq Omar.
О́zgeshe tramvaıdyń ishi-syrtyn bezendirýge Oralhan Bókeı atyndaǵy qalalyq kitaphana aıryqsha úles qosypty. Tramvaı jolǵa shyqqan alǵashqy kúni kitaphana qyzmetkerleri jolaýshylarǵa aqynnyń «Qara sózderi» kitabyn jáne shyǵarmalarynan úzindiler jazylǵan kúntizbelerdi tartý etti.
«Kólik ishindegi merekelik kóńil kúıge bólengen jurtshylyq arnaıy teleekran arqyly Abaı ómiri jáne murasymen tanysty. Ádebı tramvaı ishi Abaıdyń taǵylymǵa toly qara sózderi men óleńderinen alynǵan úzindilermen, tanymal tulǵalardyń aqyn týraly oı-pikirlerimen órnektelgen. Sonymen birge jurtshylyq Abaı kitaptarymen tanysyp, qalaǵan shyǵarmasyn alyp oqýlaryna da múmkindik bar. Abaı ómiri men shyǵarmashylyǵynda aıshyqty oryn alatyn tulǵalar – Sh.Qudaıberdiuly, E.Mıhaelıs, A.Pýshkın atyndaǵy aıaldamalarda qysqasha tarıhı derekter berilip otyrady. Bul №3 ádebı tramvaı jolaýshylardy dittegen jerine jetkizýmen birge rýhanı bilimderin baıytýǵa da yqpal etedi dep úmittenemiz» deıdi qalalyq Ishki saıasat, mádenıet jáne tilderdi damytý bóliminiń basshysy Qalqaman Sarın.
О́SKEMEN