«Adaldyq» dúkeni ashyldy

Stýdentter endi keńse taýarlary men oqýǵa qajetti qu­ral­dar­dy satýshynyń kóme­gin­siz ózde­ri satyp ala alady. Atalǵan dúkende árbir taýardyń baǵasy ja­zylǵandyqtan tutynýshy ózi­ne qajetti dúnıeni alǵan soń qar­jysyn kassa apparattaryn almas­tyrǵan arnaıy jáshikke sa­lady.

«Mundaı dúkenderdi ashý jas­tardy parasattylyq pen adal­dyqqa tárbıeleıdi. Bul ýnı­versıtet jastaryna árbir is-áreketin oılanyp, baǵamdap baryp jasaýǵa jol kórsetedi», deıdi ýnıversıtet rektory Da­rııa Qojamjarova.

Sondaı-aq osy kúni joǵary oqý ornynda «Parasat» mektebi de jumys isteı bastady. Atal­ǵan joba el erteńi jastarǵa «Sa­na­ly urpaq», «Izgilik elshi­si» baǵyty boıynsha tárbıe  ber­mek. Osy baǵyt boıynsha jas­tar óńirdegi sáýleli ǵumyr kesh­­­ken, adaldyqty tý etken tul­­ǵalarmen kezdesip, pikir alma­­sady. Tárbıe mektebinde jem­qor­lyqtan ada qoǵam qurý úshin aýqymdy ju­mys qolǵa alynbaq.

Is-sharaǵa Sybaılas jem­qor­lyqqa qarsy is-qımyl agent­ti­gi­niń Shymkent qalasy boıynsha departamentiniń ókilderi, «Shymkent – adaldyq alańy» jobalyq keńsesiniń jetekshisi Erasyl Tólebaev, ýnıversıtet oqytýshylary men bilim alýshy stýdentter qatysty.

Búgingi tańda jeń ushy­nan jalǵasqan sybaılas jem­qor­lyq­tyń aldyn alý maq­sa­tynda joǵary oqý orny­nyń aýmaǵyna 16 úlken LED ekran ornatylǵan. Oqý maýsymynyń sońyndaǵy árbir synaqty kez kelgen stýdent osy qurylǵy arqyly baqy­laı alady.

«Stý­dentterdiń qa­ty­sýy­men oqý prosesiniń taza­lyǵyna mo­nıtorıng jasadyq. Áleý­met­tik zert­teýlerdiń nátı­je­sin­de em­tı­­hannyń tazalyǵy 86 pa­ıyzdy kórsetip otyr», deıdi M.Áýezov atyndaǵy Ońtústik Qazaqstan memlekettik ýnıversıtetiniń rektory Darııa Qojam­ja­ro­va.

Shymkent