Chehııanyń Brno qalasynda ótip jatqan fýtzaldan Álem chempıonatyna joldama berýshi elıtaly kezeń Qazaqstan quramasy úshin sátsiz bastaldy. Jerlesterimiz alǵashqy oıyndy Rýmynııaǵa qarsy ótkizdi.
Kezdesýdi qarsylastar jyldam golmen bastady. Oıynnyń nebári ekinshi mınýtynda Rýmynııa quramasynyń kapıtany Dýmıtrý Stoıka esep ashty. Bizdiń oıynshylar qalǵan ýaqytty tolyqtaı shabýylmen ótkizgenimen, qarsylastyń qorǵanysyn buza almaı qoıdy. Ekinshi taımda qorǵanys arqyly oınaǵan Rýmynııa fýtbolshylary taǵy eki gol soǵyp ketti. Kezdesý aıaqtalar tusta Qazaqstan quramasy qarsylastyń úsh golyna bir golmen jaýap qaıtardy. Gol avtory – qaqpashy Igıta. Qorytyndy esep – 1:3.