Nur-Sultan qalasynda 8-aqpan kúni Uly Abaıdyń 175 jylyǵyna oraı «Adamzattyń alyby – hákim Abaı» atty respýblıkalyq aqyndar aıtysy ótedi.
Mádenıet jáne sport mınıstrligi men Nur-Sultan qalasy ákimdiginiń uıymdastyratyn aıtys Nur Otan partııasynyń qoldaýymen ótedi.
Aıtysqa Dıdar Qamıev, Raýan Qaıdarov, Erkebulan Qaınazar, Muhtar Nııazov, Meıirbek Sultanhan, Rústem Qaıyrtaı, Ásem Ereje, Bolatbek Orazbaev, Tilegen Ádilov, Qalıjan Bildáshev, Nurlan Esenqulov, Shalqarbaı Izbasarov, Ershat Qaıboldın, Nurzat Qarý, Marat Ahmetov, Serik Qýanǵan syndy 16 aqyn qatysady. Dúbirli dodany Júrsin Erman júrgizedi.