Ál-farabı atyndaǵy QazUÝ rektory akademık Ǵalym Mutanov ǵylymǵa sińirgen aıshyqty eńbegi men bilim berý salasyndaǵy halyqaralyq qatynasty damytýǵa qosqan úlesi úshin Túrkııa Respýblıkasynyń joǵary memlekettik nagradasyna ıe boldy. Túrkııa Parlamentiniń depýtaty Metın Gıýndogdý Almatyda ótken ál-Farabıdiń 1150 jyldyq mereıtoıynyń ashylý saltanatynda osy jańalyqty súıinshileı jetkizdi.
Saltanatty sharada sóz alǵan túrkııalyq depýtat akademık Ǵalym Mutanovtyń ejelden baýyrlas el sanalatyn Qazaqstan men Túrkııanyń ǵylym jáne bilim berý isindegi áriptestik áleýetin kóterýde zor eńbek sińirgenin, eki eldiń dostyq qarym-qatynasynyń nyǵaıýyna dáneker bolǵanyn aıtty.
«Akademık Ǵalym Mutanovty biz kórnekti ǵalym retinde bilemiz. Onyń jetekshiligimen uly ál-Farabı esimin ıelengen Qazaq ulttyq ýnıversıteti túrki áleminiń úzdik ýnıversıteti bolyp tanyldy. Qazaq dalasynyń jáne túrki áleminiń týmasy, adamzattyń ǵulama oıshyly ál-Farabı muralaryn jáne izgi ıdeıalaryn saqtap, jańǵyrtýdaǵy QazUÝ-dyń ornyn erekshe atap ótkim keledi», dedi Metın Gıýndogdý.
Aıtýly marapat ǵalymǵa aldaǵy ýaqytta Ankaradaǵy Túrkııa Parlamentinde tabys etilmek.