Jambyl oblysy, T.Rysqulov aýdany, Dinmuhamed Qonaev aýylynyń turǵyndary Qurmanalıevter otbasynda úshem dúnıe esigin ashty. Sábılerdiń esimin atalary Dáýlet jaqsylyqqa balap, Aman, Esen, Júrsin dep atapty.
Erli-zaıypty Dıdar men Qymbattyń Dılıara jáne Darııa esimdi eki qyzy bar. Endi eki qyzdyń artynan úsh balanyń ergeni Qurmanalıevter otbasy úshin úlken qýanysh bolyp otyr.
Aýdan ákimi Erbolat Sadyrqulov úshemniń týǵan aýylyna arnaıy baryp, Qurmanalıevter áýletin quttyqtady. О́z sózinde ákim áýeli balalardyń densaýlyǵy men amandyǵy mańyzdy ekenin atap ótip, ákimdik tarapynan balalarǵa tıisti jaǵdaıdyń jasalatynyn jetkizdi. Sonymen qatar Aman, Esen jáne Júrsinniń dúnıege kelý qurmetine jas otbasyna balalar arbasyn syıǵa tartty. Al balalardyń ata-anasy Dıdar men Qymbat ekeýi jyldyń jaqsylyqpen bastalǵanyn aıtyp, ákimdikke jáne dárigerlerge alǵysyn bildirdi.
Qazirgi kezde úshemniń densaýlyǵy jaqsy. T.Rysqulov aýdandyq ortalyq aýrýhanasy men Dinmuhamed Qonaev aýyldyq dárigerlik emhanasy tarapynan sábılerge qajetti kómektiń bári de kórsetilýde. Jas otbasyn qýanyshqa bólegen balalardyń úlken azamat bolyp óskenin Qurman alıevter áýleti de, aýyldaǵy turǵyndar da tilep otyr.
Jambyl oblysy