Mańǵystaý oblysyndaǵy aýdan ákimderiniń eseptik jıyny Munaıly aýdanynda jalǵasýda. Munaıly aýdanynyń ákimi Rahat Eltızarov 2019 jyly atqarylǵan jumystardyń qorytyndysy jáne aldaǵy jylǵa arnalǵan damý jospary boıynsha jergilikti turǵyndar aldynda esep berdi. Kezdesýge oblys ákimi Serikbaı Trumov, basqarma basshylary qatysty. Bul týraly Mańǵystaý oblysy ákiminiń baspasóz qyzmeti habarlady.
Tabıǵı ósim kórsetkishi joǵary aýdanda halyq sany bıyl 169 900 qurap, ótken jylmen salystyrǵanda 8 600 adamǵa kóbeıdi. 5 658 shaǵyn kásipkerlik sýbektisi tirkelip, nátıjesinde 10 097 adam jumyspen qamtyldy. Sondaı-aq 35 jeke ınvestısııalyq jobalar júzege asyp, 690 jumys orny quryldy. Áleýmettik salanyń eń mańyzdy bóligi bilim salasyna 11 907,2 mln teńge bólinip, aýdan bıýdjetiniń 55,8 qurady.
- Qazir eń ózekti másele úsh aýysymdyq oqytý. Bul máselelerdi sheshý úshin, 5 mekteptiń jobalyq-smetalyq qujattamalary jasaqtalýda. Memlekettik saraptamanyń oń qorytyndysy alynǵannan keıin, qurylys jumystaryn bastaýǵa jumystanatyn bolamyz, - dedi aýdan ákimi. Balabaqshamen qamtý boıynsha 2017 jyly 83%, 2018 jyly 96,7%, 1 qańtardan bastap 100% qurap otyr.