Qazaqstannyń Túrkııadaǵy Elshiligi, Qazaqstannyń Mádenıet jáne sport mınıstrligi, Túrkııa Mádenıet mınıstrligi, TÚRKSOI uıymy men «TRT Avaz» telearnasynyń qatysýymen Túrkııadaǵy Abaı jylyn saltanatty túrde ashty. Bul týraly Syrtqy ister mınıstrliginiń baspasóz qyzmeti habarlady.
Saltanatty sharaǵa Qazaqstannyń Túrkııadaǵy Elshisi Abzal Saparbekuly, Qazaqstannyń Mádenıet jáne sport Vıse-mınıstri Eldos Ramazanov, TÚRKSOI Bas hatshysy Dúısen Qaseıinov, «TRT Avaz» dırektory Sedat Saǵyrkaıa, Kechıóren mýnısıpalıtetiniń basshysy Týrgýt Altynok, Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń qamqorshylyq keńesiniń tóraǵasy Musa Iyldyz, sondaı-aq Túrki keńesine múshe memleketterdiń elshileri, sheteldik dıplomattar, zııaly qaýym ókilderi jáne qazaqstandyq stýdentter qatysty.
Is-sharany ashqan TÚRKSOI Bas hatshysy D.Qaseıinov Elbasy Nursultan Nazarbaevtyń «Abaıdy taný – Qazaqstandy, qazaq halqyn taný» degen sózine nazar aýdaryp, túrki áleminiń mádenı astanasy - Osh qalasynda ótken Túrkitildes memleketterdiń mádenıet mınıstrleriniń jınalysynda 2020 jyl Abaı jyly dep jarııalanǵanyn eske saldy.
Eýrazııa Jazýshylar odaǵynyń tóraǵasy Iаkýb О́meroglý Abaı – qazirgi qazaq ádebıetiniń negizin qalaýshy, túrki tildes halyqtardyń rýhanı qazynasyna baǵa jetpes úles qosyp qana qoımaı, qazaq halqynyń ult retinde qalyptasýyna úlken úles qosqanyn atap ótti.
Saltanatty jıyn barysynda Elshi A. Saparbekuly Memleket basshysy Qasym-Jomart Toqaevtyń «Abaı jáne Qazaqstan HHI ǵasyrdaǵy» atty maqalasynda zııatkerlik ult qalyptastyrý ıdeıasy Abaıdan bastaý alatynyn atap ótti. О́z sózinde ol uly oıshyldyń adamgershilik murasyn zertteýdiń mańyzdylyǵyn atap ótti.
Kesh sońynda Qazaqstan, Qyrǵyzstan, Moldova, О́zbekstan jáne Ázerbaıjan ártisteri Túrkııanyń Prezıdenttik sımfonııalyq orkestriniń súıemeldeýimen Abaıdyń mýzykalyq murasyn oryndady. Talantty ártister kórermenderdi uly aqynnyń «Aıttym sálem, Qalamqas», «Jelsiz túnde jaryq aı», «Kózimniń qarasy» jáne t. b. shyǵarmalarymen qýantty.
Sonymen qatar «TRT Avaz» telearnasy saltanatty konsertti tolyǵymen túsirip, 350 mıllıon kórermenge konsertti kórýge múmkindik berdi.