Aýyl sharýashylyǵy mınıstrliginde vedomstvonyń qurylymdyq bólimsheleri jáne oblystyq ákimdik ókilderiniń qatysýymen agroónerkásip kesheninde sýbsıdııalaý erejesine engiziletin ózgertýler jobasy talqylandy. Selektorlyq jıyndy AShM Birinshi vıse-mınıstri Aıdarbek Saparov ótkizdi. Bul týraly Aýyl sharýashylyǵy mınıstrliginiń baspasóz qyzmeti habarlady.
Jıyn barysynda Aıdarbek Saparov sýbsıdııalaý erejesine engiziletin ózgerister salany jańǵyrtý úshin Úkimet maquldaǵan «2017-2021 jyldarǵa arnalǵan AО́K damytýdyń» memlekettik baǵdarlamasyna engen ózgerister men tolyqtyrýlar negizinde jasalatynyn atap ótti.
«Elbasy men Memleket basshysy aýyl sharýashylyǵyn damytý jóninde aldyǵa qoıǵan bes mindetti júzege asyrý maqsatynda sýbsıdııalaý erejesine ózgerister engiziledi. Aýyl sharýashylyǵy mınıstrliginen saladaǵy eńbek ónimdiligin joǵarlatý, ımportqa táýeldilikti tómendetý, qaıta óńdelgen ónimniń úlesin kóterý, onyń eksporty men tartylǵan ınvestısııa kólemin arttyrý talap etiledi», - dedi A. Saparov. Erejege engiziletin ózgeristerdi talqylaý qorytyndysy boıynsha AShM Birinshi vıse-mınıstri jergilikti atqarýshy organdar men aýyl kásipkerlerinen mınıstrlikke óz eskertýleri men usynystaryn jiberýdi surady. О́ńirlerden kelip túsken usynystar qaralyp, tolyqtyrylǵannan keıin jańa ereje jobasy «Atameken» UKP alańynda fermerlerdiń barlyq salalyq birlestikteriniń qatysýymen qaıta talqylanatyn bolady.