2021 jyly SCIJ jýrnalıst-shańǵyshylar (Ski Club International des Journalistes) klýbynyń 68-otyrysy Almatydaǵy Shymbulaq taý-shańǵy kýrortynda ótedi. Bul týraly Mádenıet jáne sport mınıstrliginiń baspasóz qyzmeti habarlady.
Bul týraly Sochıdegi «Roza Hýtor» kýrortynda ótken klýbtyń 67-shi otyrysynda belgili boldy. Basqosýǵa qatysqan uıym músheleriniń daýys berý qorytyndysy boıynsha Slovenııadan basyp ozdy.
«Bul elimizdi álem halqyna tanystyrý jolyndaǵy jaqsy múmkindik bolǵaly tur. Sebebi, SCIJ klýbynyń 65 jyldyq tarıhy bar. Sonymen qosa 2 000 myńǵa jýyq tanymal jýrnalıst Qazaqstannyń sulýlyǵyn óz kózimen kórip, biz týraly alǵan áserlerimen bólisedi», dedi Kazakh Tourism ulttyq kompanııasy AQ Basqarma tóraǵasy Erjan Erkinbaev.
SCIJ jýrnalıst-shańǵyshylar klýby 1955 jyly Fransııanyń Merıbel taý-shańǵy bazasynda qurylǵan. Sol jyldan beri dástúrli jıyn Eýropa, Soltústik jáne Ońtústik Amerıkanyń 70-ke jýyq shańǵy bazasynda ótken. Qazir quramyna 32 eldiń 2000-ǵa jýyq BAQ ókili kiredi. Qazaqstan atalǵan klýbqa 2012 jyly qosylyp, osy ýaqyta deıin uıym jumysyna belsendi atsalysyp keledi.
Aıta keteıik, jyl saıyn ótkiziletin bul is-shara taý shyńǵysy men shańǵymen jarysýdan jýrnalıster arasyndaǵy beıresmı álem chempıonaty sanalady.