Qazir Aqtóbe aımaqtyq ýnıversıteti degen tek qaǵaz júzinde ǵana bar. Sondyqtan onyń stýdentteri aqshany kimge tóleıtinderin, sosyn ne bolatynyn bilmeı dal bolyp júr. Munyń jaıyn «Aktobe-taıms» gazetiniń tilshileri zerttedi.
Gaze tilshisiniń jaazýynsha, oblys ortalyǵyndaǵy pedagogıkalyq ınstıtýt pen Jubanov atyndaǵy ýnıversıtetti biriktirý aqtóbelik stýdentter men olardyń ata-analaryn qatty mazasyzdandyryp otyrǵanǵa uqsaıdy.
«Biz tipti endi qandaı fakýltette oqıtynymyzdy da bilmeımiz, - deıdi Alpamys atty stýdent. – Men, mysaly, hımık-sarapshy bolýǵa daıyndalyp júrgenmin. Jańa oqý ornynda mundaı mamandyqtyń daıyndalatyn-daıyndalmaıtynynan habarym joq. Bálkim, tek pedagogtar shyǵaratyn shyǵar. Al meniń muǵalim bolǵym kelmeıdi. Bıylǵy jylǵy talapkerler qaıda baratyndaryn da túsinbeıdi».
Ata-analardy oqýǵa aqy tóleý jaǵy da mazalaıdy.
Eki oqý ornynyń birigýi olardaǵy oqytýshylardy da qýandyryp otyrǵan joq. Olardyń kóbi jumystarynan aırylyp qalýdan qorqady.
Aqtóbe pedagogıkalyq ýnıversıtetiniń burynǵy prorektory Anatolıı Ýsovtyń sózine qaraǵanda, aımaqtyq memlekettik ýnıversıteti degen óazir qaǵaz júzinde ǵana bar. Al bul qaǵaz – Ykimettiń 2013 jylǵy 29 mamyrda qabyldaǵan eki oqý ornyn qaıta qurý týraly qaýlysy.
«Ýnıversıtet zańdy tulǵa retinde áli jasalǵan joq, - dep túsindiredi Anatoıı Vladımırovıch. – 12 tamyzdan keıin, aıtalyq, zań júzinde esepke alý júrgiziledi. Osydan keıin ǵana qandaı fakýltetterdiń bolatyny, olarda qandaı mamandar daıyndalatyny anyqtalady. Ázirge bul týraly birdeńe aıtý qıyn. Bir ǵana nárse aıqyn, pedınstıtýt pen Jubanov atyndaǵy ýnıversıtette oqyǵan barlyq stýdentter jańa oqý ornynda oqýlaryn jalǵastyratyn bolady».
Aımaqtyq ýnıversıtet 13 myńǵa jýyq stýdentterdi qabyldaıdy. Oqytýshylar sany 700 adamdy quraıdy. Aldyn ala esep boıynsha, joǵary oqý ornynyń qaraýynda 10 oqý korpýsy bolady.
Murat Aıtqoja.