Keshe Qazaqstan Prezıdenti janyndaǵy Ortalyq kommýnıkasııa qyzmetiniń dástúrli brıfınginde ortalyq qyzmetkeri Bolat Sadyqov aptanyń negizgi oqıǵalarymen tanystyrdy.
Keshe Qazaqstan Prezıdenti janyndaǵy Ortalyq kommýnıkasııa qyzmetiniń dástúrli brıfınginde ortalyq qyzmetkeri Bolat Sadyqov aptanyń negizgi oqıǵalarymen tanystyrdy.
«16 tamyzda el Prezıdenti Nursultan Nazarbaev Túrkitildes memleketterdiń yntymaqtastyǵy Keńesiniń (TMYK) Ázerbaıjan Respýblıkasynyń Gabala qalasynda ótetin III-sammıtine qatysady. TMYK-nyń birinshi sammıti 2011 jyly Qazaqstan Prezıdentiniń bastamasymen Almatyda ótip, onda ekonomıkalyq yntymaqtastyq máseleleri talqylanǵan bolatyn. Onyń qorytyndysy boıynsha Almaty deklarasııasyna qol qoıyldy. Keńeske 4 memleket: Túrkııa, Qyrǵyzstan, Qazaqstan jáne Ázerbaıjan kiredi», dedi Bolat Sydyqov.
Budan soń ol 17-20 tamyzda Qytaı Halyq Respýblıkasynyń Syrtqy ister mınıstri Van I Qazaqstanǵa resmı saparmen keletinin, sapar barysynda ekijaqty kezdesýler josparlanyp otyrǵanyn, onyń ishinde Qazaqstannyń Syrtqy ister mınıstri Erlan Ydyrysovpen kelissózder kózdelip otyrǵanyn jetkizdi. «Saýda-ekonomıkalyq, energetıkalyq, shıkizat emes jáne ınvestısııalyq salalardaǵy ekijaqty yntymaqtastyqty tereńdetý, sondaı-aq, kópqyrly turpattaǵy ózara árekettestikter, onyń ishinde qyrkúıek aıynda bolatyn ShYU sammıti máseleleri de basty nazarda bolady», dedi ol. Van Idiń resmı sapary ústimizdegi jylǵy 6-8 qyrkúıekke josparlanǵan QHR Tóraǵasynyń bizdiń elimizge jasaıtyn birinshi memlekettik saparynyń aldynda uıymdastyrylyp otyr.
Brıfıngke Syrtqy ister mınıstriniń orynbasary Qaırat Sarybaı da qatysyp, Qazaqstan Prezıdenti N.Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» Joldaýynyń syrtqy saıası aspektilerine qatysty sóz sóıledi.
«Elbasy halyqqa qazirgi zamanǵa saı halyqaralyq órkenıettiń damýy men HHI ǵasyrdyń ǵalamı qaýip-qaterleri eskerilgen Qazaqstannyń uzaq merzimdi damýynyń jańa baǵdarlamasy «2050 Strategııasyn» jarııa etti. Munda 2050 jylǵa deıin Qazaqstannyń dúnıejúzinde eń damyǵan 30 memlekettiń qataryna ený týraly mindetter qoıyldy. Strategııanyń eń basty maqsaty – qazaqstandyqtardyń ómir súrý deńgeıi men turmys sapasyn túbegeıli kóterý. Atalǵan maqsattarǵa jetý úshin jáne Qazaqstannyń odan ári damý vektoryn anyqtaý úshin Elbasy Strategııanyń basqa da mańyzdy baǵyttarymen qatar, jańa qaýip-qaterlerge sáıkes halyqaralyq jáne qorǵanys saıasatyn qalyptastyrý qajettiligine nazar aýdardy», dedi osy jóninde Qaırat Sarybaı.
«Joldaýda syrtqy saıasatty zaman talaptaryna sáıkestendirý úshin arnaıy basymdyqtar kórsetilgen, dedi vıse-mınıstr ári qaraı. – Olar: aımaqtyq jáne ulttyq qaýipsizdikti barynsha nyǵaıtý, ekonomıkalyq jáne saýda dıplomatııasyn belsendi túrde damytý, mádenı-gýmanıtarlyq, ǵylymı-tanymdyq jáne de basqa sabaqtas salalarda halyqaralyq yntymaqtastyqty jandandyrý, bizdiń shetelderdegi azamattarymyzdyń quqyqtyq qorǵanysyn kúsheıtý, olardyń jeke, otbasylyq jáne is múddelerin qorǵaý. Syrtqy ister mınıstrligi qoıylǵan jańa strategııanyń maqsaty men mindetin, oǵan jetý úshin qandaı ádis pen tásil qoldaný, uzaq merzimdi kezeńde qaıda júrýimiz kerek ekenin anyq jáne naqty kórýde». Sondaı-aq, ol Joldaýdy syrtqy saıası salada júzege asyrý boıynsha is-sharalar jospary qabyldanyp, ony dáıekti túrde oryndaý qolǵa alynǵanyn, ústimizdegi jyldyń naýryz aıynda SIM alqasy ótkizilip, onda qajetti tapsyrmalar, naqty merzimder men atqarýshylar belgilengenin de atap ótti. «Elbasy óz Joldaýynda eldiń syrtqy saıası basymdyqtaryn belgilep berdi. Ol – kórshi eldermen – Reseı, Qytaı, Ortalyq Azııa memleketterimen, sondaı-aq AQSh jáne Eýropa elderimen áriptestikti damytý», dedi Q.Sarybaı.
«Azııa baǵytyndaǵy jetistikter arasynda Elbasynyń taıaýda Iranǵa jasaǵan sapary, Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshevtiń Japonııaǵa sapary, sonymen birge, Syrtqy ister mınıstri Erlan Ydyrysovtyń Úndistanǵa resmı saparyn atap ótýge bolady. Biz Afrıkadaǵy adam damýy jáne ekonomıkanyń ósý bolashaǵynyń zor ekenin paıymdap otyrmyz jáne bul aımaqtyń halyqaralyq uıymdar sheńberinde artyp kele jatqan saıası mańyzdylyǵyn eskerýdemiz. Naq osy sebeppen Qazaqstan jaqyn arada Afrıka odaǵyna baqylaýshy el qataryna qosylýdy kózdep otyr», dedi ol sóziniń sońynda. – Dıplomatııamyzdyń Afrıka baǵytyndaǵy mańyzdy qadamy ú