«Qazaqstan» telearnasyndaǵy «Ashyq alań» baǵdarlamasynda tikeleı efırde Májiliste qarastyrylyp jatqan Densaýlyq kodeksiniń jańa jobasy talqylandy.
Tikeleı efır barysynda «QmeD» Ulttyq ınnovasııalyq medısına palatasynyń prezıdenti Ákim Tursynov Densaýlyq kodeksiniń jańa jobasynda kóptegen shıkilik bar ekenin aıtty.
«Qazir 38 qoǵamdyq uıym Densaýlyq kodeksiniń jańa jobasyna qarsy bolyp otyr. Sol uıymdardyń arasynda bizdiń de uıym bar. Biz nege qarsy boldyq? Kóptegen baptar eski kodeksten alynǵan. Al 2009 jyly qabyldanǵan zań ashyq talqylanbady. Al qazir biz halyqqa jetkizý kerekpiz. Aıtyp, túsindirý kerekpiz. Zańdy ashyq talqylaý kerekpiz», - dedi ol.
Aıta ketý kerek, qoǵamdyq uıymdar Májiliste talqylanyp jatqan Densaýlyq kodeksiniń jańa jobasyna qarsy petısııa jarııalaǵan bolatyn. Onda olar 16 bapqa narazylyqtaryn bildirip, zańnyń qabyldanýyna qarsy shyqty. Al tikeleı efırde Densaýlyq saqtaý mınıstrliginiń Zań departamenti dırektorynyń orynbasary Dinmuhamed Qylyshpaev 38 ıym búkil halyqytń pikiri emes ekenin aıtty.