Qostanaı oblysynyń ekologtary ǵaryshtyq baqylaý arqyly eldi mekenderdiń mańyndaǵy ruqsat etilmegen jerlerge tógilgen 313 qoqys úıindisin anyqtap otyr. Bul týraly О́ńirlik kommýnıkasııalar qyzmeti alańynda BAQ ókilderimen kezdesken oblystyq Ekologııa departamenti basshysynyń mindetin atqarýshy Talǵat Sábıev málimdedi.
Onyń aıtýynsha, ótken jyly 155 eldi mekenniń mańy beıbereket tastalǵan qoqystan tazartylǵan. Sondaı-aq, qoqys úıindileriniń paıda bolýyna jol bergen Qostanaı jáne Rýdnyı qalasy ákimdiginiń turǵyn úı-kommýnaldyq sharýashylyq bólimderi men 26 aýyldyq okrýgtiń ákimderi ákimshilik jaýapkershilikke tartylǵan.
Oblystyń bas ekology keıbir aýdandarda aýyl sharýashylyǵyna paıdalanylatyn ýly hımıkattardyń qaraýsyz jatqanyna alańdaıtynyn jetkizdi. Taıaýda Denısov aýdanynda ashyq jatqan ýly hımıkat ıesiz dep tanylyp, memleket menshigine ótkizilgen. Al Naýyrzym, Altynsarın aýdandarynda tabylǵan zııandy hımıkattar jergilikti ákimdiktiń kúshimen joıylǵan .
О́ńir ekologııasyna qatysty áli de sheshimin tappaǵan máseleler bar. Birinshiden, oblys ortalyǵynda bıologııalyq tazartý stansasy joq. Ekinshiden, oblystyq mańyzy bar qalalarda sý qubyryn tazartatyn qurylǵylar durys jumys istemeıdi. Olardy jóndeý, jańartý jumystaryna byltyr respýblıka bıýdjetinen 113,8 mln teńge, jergilikti bıýdjetten 17 mln teńge bólindi. 2023 jylǵa deıin oblys shaharlaryndaǵy sý qubyrlary tolyǵymen jańartylady. Odan keıingi taǵy bir másele, Qostanaıdaǵy burynǵy mys-ammıak zaýytynan shyǵatyn óndiristik qaldyq jınalatyn oryn Tobyl ózenine jaqyn ornalasqan. Qazir onyń qorshaǵan ortaǵa qanshalyqty zııandy ekeni anyqtalyp jatyr, - dedi Talǵat Sábıev.
Nurqanat QULABAEV,
Qostanaı oblysy