Japonııada Diamond Princess laıneriniń eki jolaýshysy koronavırýstan kóz jumdy. Bul týraly bbc.com habarlady.
Búgin Japonııa bıligi kemede bolǵan eki jolaýshy qaıtys boldy dep habarlady.
Olardyń aıtýynsha, 84 jastaǵy áıel jáne 87 jastaǵy er adam koronavırýstan kóz jumǵan. Ekeýi de Japonııa azamattary.
Karantın bastalǵan kezde kemede 3700 jolaýshy men ekıpaj músheleri bolǵan. Japonııa bıliginiń aıtýynsha, aýrýdyń alǵashqy belgileri Gonkong jaǵalaýyndaǵy jolaýshydan taraýy múmkin degen málimetter bar.
Sonymen qatar búgin Qytaı bıligi koronavırýsqa shaldyqqandar men qaıtys bolǵandar týraly jańa málimetterdi jarııalady. Qaıtys bolǵandar sany 2112-ge jetti, aldyńǵy kúnmen salystyrǵanda 108-ge artty.
Anyqtalǵan jaǵdaılardyń jalpy sany 74 myńnan asyp ketti, sońǵy bir kúnde Qytaıda barlyǵy 628 jaǵdaı tirkelgen eken.