Kásiporynǵa – 70 jyl

Tahaýı Ahtanov atyndaǵy oblystyq drama teatrynda ótken «Qazhrom» transulttyq kompanııasy» aksıonerlik qoǵamynyń fılıaly — Aqtóbe ferroqorytpa zaýytynyń 70 jyldyq merekesine arnalǵan saltanatty jıynǵa oblys ákimi Arhımed Muhambetov jáne oblystyq kásipodaqtary keńesiniń tóraǵasy Túrikpenbaı Aıjaryqov bastaǵan birqatar memlekettik mekeme basshylary, «Nur Otan» HDP oblystyq fılıalynyń ókilderi, oblystyq jáne qalalyq máslıhat depýtattary, zaýyt ardagerleri men jumysshylary qatysty.

Tahaýı Ahtanov atyndaǵy oblystyq drama teatrynda ótken «Qazhrom» transulttyq kompanııasy» aksıonerlik qoǵamynyń fılıaly — Aqtóbe ferroqorytpa zaýytynyń 70 jyldyq merekesine arnalǵan saltanatty jıynǵa oblys ákimi Arhımed Muhambetov jáne oblystyq kásipodaqtary keńesiniń tóraǵasy Túrikpenbaı Aıjaryqov bastaǵan birqatar memlekettik mekeme basshylary, «Nur Otan» HDP oblystyq fılıalynyń ókilderi, oblystyq jáne qalalyq máslıhat depýtattary, zaýyt ardagerleri men jumysshylary qatysty.

Merekelik saltanat shymyl­dyǵy zaýyt tarıhy men onyń órkendeý jyldary, kásiporyndaǵy jumystardyń qazirgi tehnologııasy jaıynda túsirilgen beınefılm kórsetýmen ashyldy. Qazaqstan qara metallýrgııasynyń qaryl­ǵashy bolyp tabylatyn zaýyt óz jumysyn Uly Otan soǵysy qyzyp turǵan 1943 jyldyń qań­tarynda birinshi «Komsomol» peshin iske qosýmen bastaǵan bolatyn. Is-shara barysynda maıdanǵa asa qajet bolǵan metaldyń qa­laı alynǵany, sol kúnderi ju­mys­shylardyń «Bári de Jeńis úshin!» atty uranmen táýlik boıy úzilissiz jasaǵan jumystary týraly teatrlandyrylǵan qoıylym kórsetildi.

Kásiporynnyń 70 jyldyq mereıtoıynda sóz alǵan oblys ákimi Arhımed Muhambetov zaýyt ujymyn, ardagerlerdi merekemen quttyqtap, bolashaqta mol tabys tiledi. Ol Elbasy Nursultan Nazarbaevtyń kemeń­ger saıasatynyń arqasynda Qazaq­stannyń eko­no­mıkalyq áleýeti jyl saıyn arta túsip otyrǵanyn tilge tıek ete ke­lip, elimizde jyl saıyn jańa baǵ­darlamalar qa­byldanyp, júzege asyrylyp jatqanyna toqtaldy. Oblys­ta údemeli ındýstrııalyq-ınno­va­sııalyq memlekettik damý baǵdarlamasynyń oryndalýyna zaýyttyń qosyp otyrǵan úlesi zor ekenin atap ótti.

Mereıtoılyq jıynda «Qazhrom» transulttyq kompanııa­sy» AQ prezıdenti Vıktor Tıl joǵary kásibı biliktilik pen úzdik eńbektiń jemisi, kásiporynnyń damýyna qosqan úlesi retindegi búgingi tabystar úshin zaýyt arda­gerleri men ujymǵa ystyq yqylasty sózin arnap, alǵys sezimin bildirdi.

Merekelik is-shara aıasynda bir top óndiris ozattary «Qazhromnyń» eńbegi sińgen jumyskeri», «Qazhromnyń» qurmetti jumyskeri» altyn jáne kúmis tósbelgilerimen marapattalsa, bes mamanǵa jeńil avtokólik syılandy.

Satybaldy SÁÝIRBAI,

«Egemen Qazaqstan».

Aqtóbe oblysy.