3,3 mlrd teńge jergilikti taýarlardy satyp alýǵa jumsaldy

«QazTransOıl» AQ bas dı­rek­torynyń orynbasary Shyń­ǵys Seısekenovtiń aıtýyn­sha, 2019 jyly qoldanystaǵy uzaq­m­erzimdi sharttarǵa qosym­sha kompanııa otandyq taýar óndirýshilermen 500 mln teń­geden astam somaǵa taǵy 5 uzaq­merzimdi shart jasasqan. «Bul óndiristik jáne kadrlyq resýrs­tary bar kompanııalardyń taýar­lary men qyzmetteriniń sapasy bizdiń óndiris talaptaryna sáıkes keledi», dedi ol.

Kompanııa turaqty serik­tes­­teri­niń qataryndaǵy «Pav­lo­dar qubyr armatýrasy zaýy­ty» JShS, «О́skemen óner­ká­­sip­­­tik armatýra zaýyty» AQ, «RaýanNalko» JShS, «TEMIR­MASh» Pavlodar zaýyty» JShS, «QazArmatýra zaýyty» JShS sııaq­­ty zaýyttar­men jabdyqtarǵa ar­nalǵan qu­ram­­das jáne qosalqy ból­­shek­terdi jet­kizýge sharttar ja­sa­ǵan. Byl­tyr­ǵy satyp alý jos­­pary­­nyń aıa­syn­da arnaıy teh­nı­­ka men jab­dyqtardy jáne bas­qa da ta­ýar­lar­dy jetkizýge 3,3 mlrd teń­­geden astam somaǵa sharttar jasaldy.

Jalpy, «QazTransOıl» AQ-ta otandyq taýar óndirýshilerdi qoldaý boıynsha ósý dınamıkasy baıqalady. Eger 2017-2018 jyldary enshiles jáne birlesip baqylanatyn kásiporyndardy eskere otyryp, taýarlardy, jumystardy jáne qyzmetterdi satyp alýdaǵy jergilikti qamtý úlesi ortasha eseppen 70 paıyzdy qurasa, 2019 jyly bul kór­setkish 74 paıyzǵa deıin ósti.

2020 jyly «Sa­muryq-Qa­zy­na» AQ ımportty al­mas­tyrý baǵdarlamasy aıasyn­da tájirıbelik-ónerkásiptik sy­naq­­tar júrgizilgennen keıin otan­dyq taýar óndirýshilermen jańa kelisimsharttar jasaý kú­tilý­de. Qazaqstandyq jet­kizý­shi­lerdiń aıtýynsha, iri kom­pa­nııa­lar­dyń qoldaýy olarǵa ón­diristi damytýǵa kómektesedi.

«Bizdiń «NGVision» JShS kompanııamyzdyń ónimi «QazTransOıl» AQ-ta tá­ji­rı­be­lik-ónerkásiptik synaq­­tan óte­di. Qazaqstan Respýb­lıka­sy­nyń aýmaǵynda biz beıne­baqy­laý kameralaryn quras­tyrý­men aınalysatyn jalǵyz kompanııa­myz. Qazir bizdiń óndiriste 50-ge jýyq adam eńbek etýde. Kez kel­gen kólemdi ıgere alamyz. Osy ýaqytqa deıin 400 kamera jı­nadyq. Endi jańa tapsyrys­tar kútemiz. Árıne iri kompanııa­lardyń qoldaýynsyz naryqta qalýymyz ekitalaı. Sondyqtan memleketimizdiń qoldaý kór­setkenine óte qýanyshtymyz», deıdi «NGVision» JShS bas dırektory Taır Omarov.