Úndistannyń astanasynda ótip jatqan Azııa chempıonatynyń alǵashqy kúnin Qazaqstannyń áıelder kúresi ókilderi tórt qola medalmen qorytyndylady.
Tarqatyp aıtsaq, 50 kılo salmaqtaǵy Valentına Islamova jartylaı fınalda japonııalyq Mıho Igarashıden 3:5 esebimen utyldy. Úshinshi oryn úshin tarysta ol vetnamdyq Thı Ngýendi aıqyn basymdyqpen utty.
Dál sol mejede súringen 55 kılo salmaqtaǵy Marına Zýeva sheshýshi tusta japon qyzy Kana Hıgashıkavadan aılasyn asyryp, qola medaldi moınyna ildi.
59 kılo salmaqtaǵy Madına Baqbergenova men 76 kılo salmaqtaǵy Elmıra Syzdyqova da úshinshi satyǵa taban tiredi. Qola júlde úshin tartysta Madına japonııalyq Iýmı Kondy qapy qaldyrsa, mońǵolııalyq Arıýnjargal Ganbattyń tas-talqanyn shyǵardy.
Jerlesterimizdiń arasynan tek 68 kılo salmaqtaǵy Álbına Qaıyrgeldınova ǵana júldesiz qaldy.