Jaqsy attandy demessiń, súıem desem...

Men – ómirin ustazdyqqa arnap, jan shýaǵyn osy joldan tapqan baqytty adammyn. 40 jyl ustazdyq ettim. Shákirtterime, balalarym men nemerelerime qazaq dalasynyń qıly tarıhy men baı mádenıeti, salt-dástúri týraly únemi aıtyp otyramyn. Bizdiń atalarymyz Qazaqstanǵa HIH ǵasyrdyń 80-jyldary kelipti. Sodan beri, mine, áýletimizdiń besinshi urpaǵy jalǵasyp, osy kıeli topyraqta ter tógip, eńbek etip, baıandy ǵumyr keship kelemiz. О́z basym jýsan ıisi ańqyǵan boz dalanyń bir shetindegi bu­ıy­ǵy tirshilik keshken shaǵyn ǵana aýylda boı jettim. Keıin joǵar­y bilim alyp, eńbekke ara­lastym. Turmys quryp, ana ata­nyp, áıel baqytyn sezindim. Enem marqum úsh márte «Qurmet belgisi» ordenin alǵan eńbekqor adam edi. Atamnyń qazaq dostary kóp bolatyn. Sodan bolar ol kisi qazaq tiline de jetik bol­dy. «Anaý qazaq kórshim bol­ma­ǵanda, men baıaǵyda ólip qalatyn edim. Kórshim qutqaryp qaldy. Ol bolmaǵanda, bul kúndi kórer me edim, kórmes pe edim» dep otyratyn edi jaryqtyq.

Búgingi shýaqty merekede men qazaq halqyna óz alǵysym­dy bil­dirgim keledi. Táýelsizdik al­ǵan 30 jylǵa jýyq ýaqyt ishinde tili hám túri basqa bolsa da, tilegi bir arnaǵa toǵysqan júz­d­en astam etnos ókili kıe­li Kók baıraq­tyń astynda tatý-tátti beıbit ómir súrip kele­­di. Bul, eń aldymen, osy eldi ejelden meken etip kele jat­qan qazaq halqynyń par­asaty men darhandyǵynyń arq­asynda ornaǵan ıgilik dep oılaımyn.

Alǵys aıtý kúni – Elbasy­myz Nursultan Nazarbaev negi­zin qalaǵan tatýlyq pen tu­raqtylyqtyń merekesi, bir­lik pen berekeniń belgisi. Tuńǵysh Prezıdentimiz bul merekeniń mán-mańyzy týraly «Osynaý aıtý­ly kúni qıyn-qystaý jyl­dary adamgershilik pen ıman­dylyq ústemdiginiń jadymyzda bolýy Qazaqstan halqyn bi­rik­tiredi. Meıirimdilik, ózara kó­mek jáne bir-birine degen qu­rmet qazaqtyń kıeli to­py­raǵynda kúlli qazaqstan­dyq­tardy kózdiń qarashy­ǵyn­daı saqtaıtyn ári maqtan tuta­tyn dostyq pen ózara túsiný­sh­ilik biregeı atmosferasyn qalyp­tastyrýǵa múmkindik beredi. О́z otandastarymyzǵa jáne týǵan ólkege degen kirshiksiz alǵys se­zimi bul merekege erekshe te­reń maǵyna beredi. Sondyq­tan Alǵys aıtý kúniniń basty má­ni – tarıhı jadyny saq­taý, ur­paq sabaqtastyǵy men ir­gesi berik negizdegi el birligin ny­ǵaı­t­ý», dep edi. Biz osyny umyt­­­paýy­myz kerek. О́ıtkeni Qazaq­­­stan­da turatyn halyqty yrys-yn­tymaqqa úndeıtin bul me­­re­­ke elimizge asa qajet. Sebebi qa­zaq jerine surapyl soǵys­tyń aldynda da, odan keıin de qo­nys aýdarǵandar kóp. Qazaq­tar olar­dyń eshqaı­sy­synyń keý­desinen ıtergen joq. Qıyn kezeń­de kıim berip, baýyryna tar­typ, adal dámin, dostyq jú­regin usynǵan halyqqa bir kún ǵana emes, aı sa­ıyn, tipti, apta sa­lyp alǵys aıtsaq ta artyq emes.

Búgin júzden astam etnos­tyń altyn besigine aınalǵan Qazaq­stan atty uly Otanǵa taǵzym etip, tize búgip Kók týdy súıe­­tin kúni. Aqyn Muqaǵalı Maqa­­taevtyń «Jaq­sy attandy demessiń, súıem de­sem, Tabynatyn táńirim, ıem de sen!» deıtin óleń joldary bar. Meni jaqsy attandy dep o­ı­­l­a­­­­mańyzdar! Men Qazaq­sta­nym­­­­dy, onyń halqyn, taýy men ta­­syn, ózen-sýyn baıtaq dala­­syn, saf aýasyn shynaıy súı­gen adam­­myn! Júregimdi tolq­y­typ tura­tyn osy bir uly súıispen­shi­lik úshin barshańyzǵa Alǵys aıtamyn!

Aleksandra SÝSLOVA,

oblystyq Qoǵamdyq kelisim keńesiniń múshesi

Qostanaı oblysy