Turaqtylyq pen demokratııa kepili

Ata Zańymyzdyń el ómirindegi atqa­ra­tyn baǵa jetpes mańyzy men róli jónin­de aıtylǵan oı-pikirler men tujy­rym­dar­dyń basty jelisi tómendegishe órbidi.

Qaı memlekette de onyń árbir aza­ma­tynyń erik-jigeri men tańdaýy sol eldiń bas­ty zańy aıasynda júzege asady. Bul tu­jy­rymnyń elimizdiń Ata Zańyna da tike­leı qatysy bar. Konstıtýsııa qaǵı­dat­tary saq­talǵan, aıaqqa basylmaǵan, qur­met­tel­gen ári udaıy nazarda bolǵan memlekette ǵana saıası turaqtylyq pen berik ahýal orny­ǵady. Elimizdiń qazirgi saıası-eko­no­mıkalyq damý deńgeıi osyndaı saıası qun­dylyqtarǵa sáıkes dep aıtýǵa bolady. Munyń basty arqaýy respýblıkanyń 1995 jyly qabyldanǵan Konstıtýsııasynan tamyr tartady. Elimizdiń basty zańynyń mem­leket pen qazaqstandyq qoǵamnyń da­mýyn­daǵy róli qashan da jo­ǵary.

Qazirgi kezde el Konstıtýsııasy barlyq ult­tyq qundylyqtar men azamattyq qadir-qasıet­tiń negizine aınala alǵany anyq. Sonymen birge Ata Zań memlekettiliktiń bastaýy men birtutastyǵynyń qaınar kózi re­tinde de ornyǵyp keledi. Qazir respýblıkamyzda ony turaqtylyq pen demokratııa kepili retinde qabyldaıtyn aza­mattardyń qa­tary jyldan-jylǵa ósip keledi. Son­daı-aq elimizdiń tynys-tir­shiligine óreli ózge­rister ákele bilgen 1995 jyly qabyl­dan­­ǵan Qazaq­stan Kon­stı­týsııa­synyń qu­ry­­lymy men jobasy qalaı ázir­lengeni de el azamat­ta­ry­nyń jadynda júr­se, mu­nyń eshqandaı artyqshylyǵy bol­mas edi. Kon­fe­rensııa kezinde bul másele jónin­de de ta­nymdyq áseri mol áńgi­meler qoz­ǵal­ǵa­ny basqosýdyń maz­mu­nyn odan ári kóte­re tús­ti.

Mine, osylaısha arada 25 jyl ótken kezde tól Konstıtýsııamyzdyń basty ere­je­­le­ri men tarmaqtary aıasynda azamat­tar­dyń elimizde ómir súrý men eńbek etý jáne dem alý men densaýlyqtaryn kútý sapasy ál­de­­qaıda jaqsara túskeni kámil. Sonymen bir­ge osy ýaqyt aralyǵynda ultqa paıdasyn tıgize alatyndaı tıimdi ekonomıka te­tik­teri jasaqtalyp, demokratııalyq qo­ǵam­­­nyń negizderi qalanǵany da Ata Zańy­myz­­dyń tıgizgen shapaǵaty deýge tolyq negiz bar. Sóıtip Aqtóbede ótkizilgen keń ty­nysty konferensııa respýblıka Kon­s­tıtýsııasynyń erek­she­likterin egjeı-tegjeıli tarqatyp berdi.

AQTО́BE