Qazirgi ýaqytta pnevmonııamen aýyryp jatqandardan koronavırýs ınfeksııasy anyqtalǵan joq. Bul týraly Densaýlyq saqtaý mınıstri Eljan Birtanov Ortalyq kommýnıkasııalar ortalyǵynda ótken brıfıngte málimdedi.
«Bizde ártúrli sıpattaǵy pnevmonııamen aýyryp jatqandar bar. Aýrý juqtyrý qaýpi joǵary memleketterden kelgenderdiń ishinde epıdemıologııalyq kórsetkishter boıynsha aýrýhanaǵa jatqyzylǵandar da bar. Qazirgi ýaqytta 96 adam ártúrli aýrý belgilerimen aýrýhanada jatyr. Onyń 46-sy em alýda. Olardyń bári mindetti túrde koronavırýs ınfeksııasy boıynsha tekseriledi. Qazirgi ýaqytta pnevmonııamen aýyryp jatqandardan koronavırýs ınfeksııasy anyqtalǵan joq», dedi Eljan Birtanov.