Ishki ister mınıstri Erlan Turǵymbaev IIM basshylyǵynyń, onyń qyzmetteriniń, sondaı-aq polısııa, tótenshe jaǵdaılar departamentteriniń, qylmystyq-atqarý júıesiniń jáne Mınıstrliktiń oqý oryndary basshylarynyń qatysýymen beıneselektorlyq keńes ótkizdi. Bul týraly Polisia.kz habarlady.
Keńeske Densaýlyq saqtaý mınıstrligi Taýarlar men qyzmetterdiń sapasy men qaýipsizdigin baqylaý komıteti tóraǵasynyń orynbasary Nurqan Sádýaqasov shaqyryldy, ol koronavırýstyq ınfeksııanyń taralýynyń aldyn alý sharalary týraly aıtty.
IIM basshysy koronavırýstyq ınfeksııanyń taralýyna baılanysty Ishki ister organdarynyń jeke quramy qyzmet atqarýdyń erekshe tártibine aýystyrylǵanyn atap ótti.
Quqyq tártibin qamtamasyz etý boıynsha sharalar kúsheıtildi, polısııa men Ulttyq ulannyń jaıaý jasaqtary kóbeıtildi, sondaı-aq strategııalyq jáne asa mańyzdy memlekettik obektilerdi kúzetý kúsheıtildi. Kóp adamdardyń qatysýymen ótkiziletin kezdesýler men is-sharalar toqtatyldy, qyzmetkerlerdiń shetelge shyǵýy men qyzmettik issaparlary shekteldi.
– Barlyq deńgeıde IIM qyzmetteri men bólimshelerin Densaýlyq saqtaý organdarymen jedel jáne naqty úılestirýdi qamtamasyz etý qajet. Polısııa qyzmetkerleri, qutqarý qyzmeti jáne Ulttyq ulannyń áskerı qyzmetshileri qazirdiń ózinde karantındik is-sharalar kezinde medısınalyq qyzmetterge tolyq jáne jan-jaqty kómek kórsetýde. Bul rette koronavırýstyq jaǵdaıy qolaısyz elderden kelgen azamattardy medısınalyq mekemelerge alyp júrýdi júzege asyrýda, – dedi Erlan Turǵymbaev.