Qazaqstan Premer-mınıstri Asqar Mamın Qyrǵyzstan Úkimetiniń basshysy Mýhammedkalyı Abylgazıevpen telefonmen sóılesti. Bul týraly Qazaqstannyń Qyrǵyzstandaǵy elshiligi habarlady.
Áńgime barysyna taraptar qazaqstandyq-qyrǵyz yntymaqtastyǵynyń ózekti máselelerin talqylady.
Úkimet basshylary azamattar men taýarlardyń kedergisiz ótýi úshin memlekettik shekaranyń qazaqstandyq-qyrǵyz ýchaskesindegi baqylaý-ótkizý pýnktteriniń odan ári birlesken jáne úılesimdi jumysyn qamtamasyz etý máselesine aıryqsha nazar aýdardy. Búginde júkterdi tasymaldaý úshin qazaqstandyq-qyrǵyz shekarasynda eshqandaı kedergi joq ekeni atap ótildi.