Bul týraly «Qazaqstan Halyq Bankiniń» baspasóz qyzmeti habarlady.
«Halyk Bank klıenttermen árdaıym ózara ashyq qarym-qatynasta bolýǵa umtylady. Onyń ústine búgingi búkil álemdi dúrliktirgen ómir súrý jaǵdaıynda bul asa mańyzdy. Osyǵan baılanysty, COVID-19 koronavırýstyq ınfeksııasynyń anyqtalǵan jaǵdaılarynyń biri Almaty qalasyndaǵy bank ǵımaratynyń birinde keńes berý qyzmetin usynatyn syrtqy uıymnyń qyzmetkerinde oryn alǵandyǵy týraly halyqqa habarlaý qajet dep sanaımyz» delingen Halyk bank taratqan aqparatta.
Sondaı-aq Densaýlyq saqtaý mınıstrliginiń áreket etý algorıtmine sáıkes, qalanyń medısınalyq qyzmetkerlerimen birge naýqas, sondaı-aq onymen baılanysqan barlyq qyzmetkerler synaq prosedýrasynan ótip, qazirgi ýaqytta oqshaýlanǵan jáne karantınde jatyr.
Bank taratqan habarlamada vırýs juqtyrǵan qyzmetkerdiń klıenttermen tikeleı baılanysta bolmaǵany aıtyldy.
«Sonymen qatar, anyqtalǵan aýrýy bar syrtqy kompanııa qyzmetkeri men onymen jaqyn jerde bolǵan basqa bank qyzmetkerleri de klıenttermen tikeleı qarym-qatynasta bolmaǵanyn habarlaımyz» dedi bank ókilderi.
Bank keńseleri men bólimshelerinde únemi sanıtarlyq tazartý júrgiziletinin jetkizdi.