«Akselerator dobra: Izgilik elshisi» RQB jáne «Azamattarǵa arnalǵan úkimet» memlekettik korporasııasy» KEAQ Almaty qalasy boıynsha fılıaly arasyndaǵy yntymaqtastyq týraly memorandýmǵa qol qoıyldy.
Memorandým – jeke jáne zańdy tulǵalardyń quqyqtyq mádenıetin qalyptastyrý, quqyqtaryn, bostandyqtary men múddelerin zańdy qorǵaýda Taraptar arasyndaǵy yntymaqtastyq ornatýdy, birlesken jáne kelisilgen áreketterdi júzege asyrýdy kózdeıdi.
Memorandýmǵa qol qoıý rásimine «Akselerator dobra: Izgilik elshisi» RQB jetekshisi Aınur Sábıtova jáne «Azamattarǵa arnalǵan úkimet» memlekettik korporasııasy» KEAQ Almaty qalasy boıynsha Fılıaly dırektory Danııar Qyryqbaev qatysty.
«Memorandým aıasynda Taraptarmen muqtaj adamdarǵa zańgerlik kómek kórsetý túrinde volonterlik qyzmet kórsetý, qazaqstandyq qoǵamda parasattylyqty, sondaı-aq adamgershilikti, meıirimdilikti damytý, qaıyrymdylyqqa tárbıeleý baǵytynda yntymaqtastyqty ornatý josparlanǵan.
Tegin zańgerlik keńes berý úshin «Azamattarǵa arnalǵan úkimet» memlekettik korporasııasy» KEAQ Almaty qalasy boıynsha fılıaly tarapynan arnaıy oryndar beriledi», –- deıdi Azamattarǵa arnalǵan úkimet» memlekettik korporasııasy» KEAQ Almaty qalasy boıynsha fılıalynyń PR-menedjeri Jańyl Ápetova.
Quqyqtyq keńes berý Almaty qalasy JOO-nyń zań mamandyǵyndaǵy stýdentteri men «Adal kómek» jáne «Ádil kómek» birlese júzege asyrylady.