Byltyr oblys ortalyǵyndaǵy temirjol vokzalynda ózgerister de oryn aldy.
Oblystyq ákimdik jergilikti tasymaldaýshy kompanııalarmen kelisimshart jasasyp, ár baǵyt boıynsha resmı tasymaldaýshylardy anyqtady. Sondyqtan, jolaýshylar tasymalymen aınalysatyn kompanııalar qaı saparjaıdan, qaı ýaqytta, kúnine neshe ret shyǵatynyn ózderi tańdaıdy. Mysaly, birneshe baǵytta avtobýs baǵyttaryn ashqan jańa tasymaldaýshylar paıda boldy. Iаǵnı, birneshe baǵyttaǵy jolaýshylar avtobýstary burynǵydaı avtovokzaldan emes, temirjol vokzalynan da jóneltiledi. Maqsat-jolaýshylar tasymaly salasyndaǵy básekelestikti arttyrý, qyzmet sapasyn jaqsartý.
Buǵan deıin «Avtovokzalservıs» JShS-nan buǵan deıin Ombyǵa kúnine 4 ret, Novosibir men Slavgorodqa 2 ret, Kemerge 1 ret avtobýs júretin. Qazir koronovırýstyń taralmaýy úshin Omby, Novosibir, Kemer, Barnaýl, Ekaterınbýrg, Slavgorodqa baratyn marshrýttar toqtatylǵan. Jolaýshylardyń aldyn-ala satyp alynǵan bıletteri qaıtaryldy. Kásiporyn ujymyn saqtap qalý úshin jumyskerlerdiń jumys ýaqytyn qysqartyp, keıbiri aqysyz demalysqa jiberilýde.
Al, kásiporyn basshysy Evgenıı Pılıpenko ujymdy saqtap qalý úshin memleket tarapynan dotasııa nemese salyqtyq jeńildik berýdi suraıdy. Jalpy byltyrǵy kórsetkishpen salystyrǵanda jolaýshylar tasymalynyń nebary 35-40 paıyzy ǵana saqtalmaq.
PAVLODAR