Veterınarııalyq baqylaý beketteriniń 16.03.2020 jylǵy jaǵdaıy boıynsha Qazaqstan Respýblıkasynyń Aýyl sharýashylyǵy mınıstrliginiń qysqasha aqparaty. Bul týraly Aýyl sharýashylyǵy mınıstrliginiń baspasóz qyzmeti habarlady.
Búginde Qazaqstan Respýblıkasynda 63 veterınarııalyq baqylaý beketi bar, onda 228 memlekettik veterınarııalyq-sanıtarııalyq ınspektor qyzmet etedi.
EAEO elderinen taýarlardy ótkizý kezinde baqylaýdy kúsheıtý úshin qosymsha 32 veterınarııalyq baqylaý beketi RF jáne Qyrǵyz Respýblıkasy shekarasynyń boıynda ornatylǵan.
Atalmysh baqylaý beketterin ornatýǵa Qyrǵyzstandaǵy janýarlar aýrýy boıynsha turaqsyz jaǵdaı jáne shekaranyń Reseı jaǵy bóliginde aldyn ala habarlaý pýnktterin qurýy sebep boldy.
2020 jyldyń basynan beri qosymsha ornatylǵan 32 veterınarlyq baqylaý beketinde 19,5 myń tonna taýar, mıllıonǵa jýyq mal men qus, 32,3 mln taýyq jumyrtqasyn tasymaldaǵan 2 663 avtokólik tekserildi. Nátıjesinde ınspektorlar 93 avtokólikti keri qaıtaryp, jalpy somasy 835 065 teńgege aıyppul saldy.
Anyqtama: 2019 jyl boıy veterınarlyq baqylaý beketterinde 755 myń tonnaǵa jýyq júk, 623,5 myń bas mal men qus, 70,7 mln jumyrtqa tasymaldaǵan 6 863 avtokólik tekserilip, onyń 213 júk kóligi keri qaıtarylyp, mıllıon teńgeden astam aıyppul salyndy.
Budan basqa, Qazaqstannyń О́zbekstan Respýblıkasy jáne QHR memlekettik shekarasy boıynda 31 syrtqy veterınarlyq-baqylaý beketi jumys istep tur (14 - avtojolda, 6–temir jolda, 2 – teńiz portynda, 9 – halyqaralyq áýejaılarda).
Bul beketterde baqylaýdy 88 memlekettik veterınarııalyq-sanıtarlyq ınspektorlar júzege asyrady.