Qaraǵandy qalasynyń Oktıabr aýdanynda, oblystaǵy Jezqazǵan, Temirtaý jáne Balqash qalalaryna kireberis joldarda, sondaı-aq Nura aýdanynda sanıtarlyq beketter uıymdastyryldy, dep habarlady oblys ákiminiń baspasóz qyzmeti.
Sanıtarlyq beketterde óńirge kelgen azamattardyń barlyǵy koronavırýstyq ınfeksııa belgileri boıynsha tekseristen ótkiziledi. Beketterde taýarlar men qyzmetterdiń sapasyn baqylaý departamentiniń mamandary táýlik boıy kezekshilik etedi.
Eske salsaq, oblystyń barlyq avtoparkteri kúsheıtilgen sanıtarlyq baqylaý rejımine kóshirilgen bolatyn. Atalǵan erejege saı, jolaýshylar avtobýstarynyń jáne marshrýttyq taksılerdiń barlyǵynyń salondary árbir reıs bastalar aldynda jáne aıaqtalǵannan keıin dezınfeksııalyq eritindilermen óńdelip, tazartylady.
Júrgizýshiler men kondýktorlardy aýysym bastalar aldynda dárigerler tekseredi.
COVID-19 koronavırýsynyń aldyn alý máseleleri boıynsha taýarlar men qyzmetterdiń sapasyn baqylaý departamentinde (8-7212) 50-76-46 nómiri boıynsha jedel jeli ashylǵan.
Qaraǵandy oblysy