Oblys ákimi Ábilqaıyr Sqaqov óńirdegi medısına jáne basqa da jaýapty sala qyzmet ókilderimen kezdesip, koronavırýs ınfeksııasyna qarsy daıyndyq sharalarynyń máselesin talqylady. О́ńirde 544 dáriger tótenshe vırýstyń aldyn alý, dıagnostıka jáne emdeý boıynsha oqý kýrstarynan ótken.
Infeksııa anyqtalǵan jaǵdaıda paıdalanylatyn 945 tósek-oryn daıyn. Qosymsha 480 tósek-oryn koronavırýspen aýyrý men ólim-jitim deńgeıi joǵary elderden kelgen adamdarǵa arnalǵan karantındik ortalyq úshin qarastyrylǵan.
– Aýdan ortalyqtaryndaǵy barlyq tósekter jıylyp, Pavlodar, Aqsý, Ekibastuz qalalarynda ornalasady. Iаǵnı eger aýyldarda nemese shekara mańynda adamdar ınfeksııa kúdigine ilikse, osy qalalardyń birine jetkiziledi, – dedi oblys ákimniń orynbasary Ashat Oralov.
О́ńirdegi barlyq medısınalyq qyzmetkerler jeke qorǵaný quraldarymen jáne medısınalyq preparattarmen tolyq qamtamasyz etilgen. Mamandardyń aıtýynsha, COVID-19 vırýsy tirkelgen jaǵdaıdaǵy is-áreket barysy daıyn. Qajetti betperde sanyn arttyrý maqsatynda «Merýsar» JShS jáne basqa da tigin isimen aınalysatyn jelilerimen kelisimsharttarǵa otyrý josparlanýda.
Aımaqtyq jedel shtab táýlik boıy jumys isteıdi. Oblys turǵyndary men qonaqtary 67-52-08 nómirine jáne 103 jedel járdem stansasy jelisine, 1406 ortaq respýblıkalyq nómirine habarlasa alady.
PAVLODAR