Elimizde, sonyń ishinde Oral qalasynda da koronavırýs qaýpine baılanysty medısınalyq maskaǵa suranys kúsheıdi. Dárihanalardaǵy betperde tapshylyǵyn joıý úshin shaǵyn kásiporyndar iske kiristi.
«Iаgýar» tigin fabrıkasy Oral qalasynda 2015 jyldan beri jumys isteıdi. Fabrıka dırektory Berik Ábilqasovtyń aıtýynsha, mekemede negizinen múmkindigi shekteýli mamandar qyzmet etedi. Kásiporyn negizinen arnaıy kıimder, qyzmettik kostıýmder tigýmen aınalysyp kelgen.
-Elimizde tótenshe jaǵdaı jarııalanyp, úlken-kishi koronavırýs indetine qarsy jumylǵan kezde biz de qarap jata almadyq. О́ıtkeni Oral qalasynda da medısınalyq maska tóńireginde túrli áńgime kóbeıip ketti. Suranys bar, taýar joq. Osydan keıin ujymymyzben aqyldasyp, jumysymyzdyń baǵytyn ýaqytsha ózgertýge sheshim qabyldadyq. Iаǵnı jergilikti halyqtyń suranysyn óteýge kómektesý úshin betperde tigýge kiristik, - deıdi Berik Ábilqasov.
«Iаgýar» tigin fabrıkasy 4 kún ishinde 6 myńnan asa maska tigip úlgergen eken. Ony kóbine mekemeler kóterme baǵamen satyp alýda. Betperdeniń kóterme baǵasy 180 teńgeden.
-О́nimniń baǵasy qymbattaý ekeni ras. Biraq shekara jabylysymen shıkizat, ıaǵnı mata quny qymbattap ketti. Biraq bizdiń betperdeniń ereksheligi - tabıǵı matadan tigilgen, jýyp, óńdep, qaıtadan paıdalanýǵa bolady. Bir betperde 10-15 kúnge jetedi, - deıdi kásiporyn basshysy.
Batys Qazaqstan