«BJZQ» AQ-nyń zeınetaqy aktıvteri 2020 jyldyń naýryz aıynda 11,3 trln teńgeden asyp tústi. Jyl basynan bergi ósim 4% paıyzdy qurady, dep habarlady qordyń baspasóz qyzmeti búgin.
Zeınetaqy aktıvterin ár túrli valıýtalardaǵy senimdi qarjy quraldaryna ınvestısııalaý turaqty ınvestısııalyq kiristilikti, sondaı-aq shetel valıýtalaryna qatysty teńge baǵamynyń ózgerýi táýekelderinen qorǵaýdy qamtamasyz etedi. Zeınetaqy aktıvteri qurylymynyń 32%- dan astamy shetel valıýtasyna nomınasııalanǵan qarjy quraldarynan turady. Olardyń basym bóligi (portfeldiń 30%- ǵa jýyq kólemi) - AQSh dollarynda.
Qorjyndy valıýtalyq ártaraptandyrýdyń, ınvestısııalar geografııasy men qarjy quraldary spektrin keńeıtýdiń arqasynda halyqtyń zeınetaqy jınaqtaryndaǵy taza ınvestısııalyq kiris úlesi turaqty túrde ósýde.«BJZQ» AQ baspasóz qyzmetiniń habarlaýynsha, 2020 jyldyń basynan beri taza ınvestısııalyq kiris 332,34 mlrd teńgeden asty (2019 jyldyń osy kezeńinde 66,8 mlrd teńge). Naýryz aıynyń birinshi jartysynda salymshylardyń shottaryna aýdarylǵan ınvestısııalyq kiris 192,45 mlrd teńgeni qurady (2019 jyldyń osy kezeńinde 54,74 mlrd teńge).