Halyqaralyq hokkeı federasııasy (IIHF) qart qurlyqtaǵy kórermeni eń kóp komandalardyń reıtıngin jarııalady.
Sol tizimde Nur-Sultannyń «Barysy» 24 orynda tur. Byltyrǵy maýsymmen salystyrǵanda, jerlesterimiz bes satyǵa joǵarlady. 2019/2020 jylǵy maýsymda qazaqstandyq klýbtyń ár básekesin tamashalaý úshin «Barys Arenaǵa» orta eseppen 6 816 kórermen kelgen eken. Byltyr bul san 6 448 adamdy quraǵan.
Jalpy Qurlyqtyq hokkeı lıgasynda (QHL) kúsh synasyp júrgender arasynan alty komanda ǵana «Barystyń» aldyn orady. Olar – SKA (Sankt-Peterbýrg), «Dınamo» (Mınsk), «Spartak» (Máskeý), «Iokerıt» (Helsınkı), SSKA (Máskeý), «Aq Bars» (Qazan) jáne «Lokomotıv» (Iаroslavl). Byltyrǵy maýsymda 11 komanda aldymyzda edi.
Al Eýropada kórermeni eń kóp komanda – Shveısarııanyń «Berny». Ár oıynǵa orta eseppen 16 237 kórermen jınalatyn aıtýly klýbtyń osy reıtıngte kósh bastap turǵanyna tabany kúrekteı 19 jyl boldy.