Bizdiń birligimiz – qazirgi qıyndyqty eńserýdiń kepili. Táýelsiz Qazaqstan tarıhynda budan da kúrdeli kezeńderdi bastan ótkerdik. Bul týraly Tuńǵysh Prezıdent - Elbasy halyqqa arnaǵan úndeýinde aıtty.
«Barlyq aýyrtpalyqty jeńip, árdaıym ortaq Otanymyzdyń gúldenýi jolynda eńbek etip kelemiz. Osy jolǵy synaqty da el bolyp eńseremiz dep senemin.
Qazaqstannyń joly qıyndyqsyz bolmaıtynyn men táýelsizdiktiń bastapqy kezinde-aq bilgenmin. Bul rette tarıh pen ýaqyt bizdiń josparymyzǵa ózgeristerin engizetinin eskergen edim» dedi Nursultan Nazarbaev.
Sondaı-aq Elbasy jaıma shýaq kezderdiń ózinde de biz aldymyzdan shyǵýy múmkin syn-qaterlerge daıyndalyp, almaǵaıyp ýaqyttarda qajet bolatyn rezerv qalyptastyrǵanymyzdy eske saldy.