Qazaq ádebıeti men rýhanııaty taǵy bir aýyr qazaǵa ushyrady. 75 jasqa qaraǵan shaǵynda qarymdy qalamger, ultymyzdyń ulaǵatty azamaty Sabyrjan Shúkiruly dúnıeden ozdy.
Týmysynan tabıǵaty taza shyǵarmashylyq ókili 1939 jyly 12 tamyzda Qostanaı oblysy, Áýlıekól aýdany, Dostııar mekeninde dúnıege kelgen. 1959-1961 jyldary Ońtústik Torǵaı ken zertteý jáne barlaý ekspedısııasyndaǵy topografııalyq otrıadta qurylysshy, Jangeldın aýdandyq baılanys torabynda telefon monteri, aýdandyq qamsyzdandyrý bóliminde ınspektor, 1961-1965 jyldary aýdandyq «Sosıalıstik aýyl», keıin «Jańa ómir» – «Novaıa jızn» gazetterinde ádebı qyzmetker, aýdarmashy, bólim meńgerýshisi, 1965 jyly Jangeldın aýdandyq komsomol komıtetiniń birinshi hatshysy boldy.
Qazaq ádebıeti men rýhanııaty taǵy bir aýyr qazaǵa ushyrady. 75 jasqa qaraǵan shaǵynda qarymdy qalamger, ultymyzdyń ulaǵatty azamaty Sabyrjan Shúkiruly dúnıeden ozdy.
Týmysynan tabıǵaty taza shyǵarmashylyq ókili 1939 jyly 12 tamyzda Qostanaı oblysy, Áýlıekól aýdany, Dostııar mekeninde dúnıege kelgen. 1959-1961 jyldary Ońtústik Torǵaı ken zertteý jáne barlaý ekspedısııasyndaǵy topografııalyq otrıadta qurylysshy, Jangeldın aýdandyq baılanys torabynda telefon monteri, aýdandyq qamsyzdandyrý bóliminde ınspektor, 1961-1965 jyldary aýdandyq «Sosıalıstik aýyl», keıin «Jańa ómir» – «Novaıa jızn» gazetterinde ádebı qyzmetker, aýdarmashy, bólim meńgerýshisi, 1965 jyly Jangeldın aýdandyq komsomol komıtetiniń birinshi hatshysy boldy.
1969 jyly QazMÝ-diń jýrnalıstıka fakýltetin, 1972 jyly Almaty Joǵary partııa mektebin támamdaǵan soń Torǵaı oblystyq partııa komıtetinde nusqaýshy bolyp qyzmet etti. 1974-1988 jyldary «Sosıalıstik Qazaqstan» (qazirgi «Egemen Qazaqstan») gazetiniń Torǵaı oblysyndaǵy menshikti tilshisi, aǵa tilshi, bólim meńgerýshisi, alqa múshesi, 1990 jyly «Sosıalıstik Qazaqstan» gazeti bas redaktorynyń orynbasary, 1992-1998 jyldary «Suhbat» ekonomıkalyq aptalyǵynyń bas redaktory, «Ana tili» ult aptalyǵy bas redaktorynyń orynbasary jumystaryn jemisti atqardy.
Sabyrjan Shúkiruly – Qazaqstan Jazýshylar jáne Jýrnalıster odaqtarynyń múshesi. Tabandy eńbegi men qarymdy shyǵarmashylyq qyzmeti úshin 1968 jyly Qazaq SSR Joǵarǵy Sovetiniń Qurmet gramotasymen, 1970 jyly V.I.Lenınniń 100 jyldyǵyna arnalǵan merekelik medalmen marapattalyp, 1989 jyly «Qazaq SSR-iniń eńbek sińirgen mádenıet qaıratkeri» ataǵyn alǵan. Ol – 1993 jylǵy Qazaqstan Jýrnalıster odaǵy syılyǵynyń laýreaty.
Shyǵarmashylyq ıesiniń qalamynan týǵan «Tamasha ómir», «Shaqshaq Jánibek» atty derekti áńgimeleri, «Naqpa-naq» atty oı túıinderi, «Rýhanı óris kerneýi» ádebı syn-zertteýi men «O zamanda bu zaman» atty pýblısıstıkalyq kitaptary oqyrman qaýymnan joǵary baǵasyn alǵan. Ultjandy qalamgerdiń oı túıinderi merzimdi baspasóz betterinde jıi jaryq kórip, urpaqtyń damýyna, ulaǵatty azamattardyń qalyptasyp, otansúıgishtik qasıetterdiń óristeýine ıgi áser etti. О́mirde sypaıy da mádenıetti qalpynan aınymaǵan, bekzat bolmysty, adamgershiligi mol, kórkem minezdi, eńbekqor, aıaýly áriptesimizdiń jarqyn beınesi bizdiń júregimizde uzaq saqtalady.
Qazaqstan Jazýshylar
odaǵy basqarmasy.
Qaıran, Sákem, baqul bol!
«A, Qudaı, qazaǵa sabyr bere kór!» dep, sońǵy eki aıdyń júzinde jalbarynýda bolǵanymyzben, beti qatty naýqastan júregi qurǵyr qansha sekem alyp, úmit pen úreıdiń qaıshylasýynda júrgenimizben: «Sabyrjan qaıtys boldy», degen sýyq sóz oqys estilip, tóbemnen jaı túsirgendeı boldy. Endi-endi es bilip, azamat atanǵan shaqtan beri ómirdiń jol-soqpaqtarynda qol ustasyp birge júrgen, jalyndaǵan jastyqtyń kóp qyzyqtaryn birge kórip, jasamys tartqan shaqta oıymyz da, soıymyz da jarasqan jan dosymnan qapııada aıyrylyp qalarmyn degen oı qaperimde joq edi ǵoı.
Sonaý qart Torǵaıdyń qasıetti topyraǵynda, alaqandaı ǵana aýdandyq gazettiń shańyraǵy astynda jalǵasqan kóńilimiz ben jarasqan ómirimiz qandaı qyzyq edi. Odan beri de, qazaq baspasóziniń qara shańyraǵy «Sosıalıstik Qazaqstannyń» qut-berekeli qabyrǵasynda shyńdalǵan shyǵarmashylyq dostyǵymyz da dúıim eldiń nazarynda boldy. Endi sonyń bári estelik bolyp, ótken kúnniń enshisinde qala beretini qandaı qıyn. «Shirkin, Sabyrjannyń ázili-aı!..» dep nebir utqyr sózderin, tapty