RG Brands kompanııasynyń ónimderi bar 5 myń qorjyn Qazaqstannyń 18 qalasyndaǵy jasy ulǵaıǵan adamdarǵa jetkiziledi.
Kompanııa qyzmetkerleri jetkizý boıynsha eriktiler bolyp tabylady. Olar qorjyndy úıdi-úıge baılanyssyz ádispen jetkizetin bolady.
«Úıde qalyńyz. Biz sizderdi jaqsy kóremiz jáne saqtaımyz» dep jaqyndarymyzǵa osy bastamany aıtatyn bolamyz. SOVID-19 pandemııasynan aǵa urpaqty saqtaýǵa erekshe nazar aýdarý qajet dep sanaımyz. Karantın jáne shekteýli qozǵalys kezinde biz sizderdi qorǵap, sizderdiń densaýlyqtaryńyzǵa qamqorlyq jasaǵymyz keledi», – dedi kompanııa ókilderi.
Ulystyń uly kúni, qazaqtyń jańa jyly – áz Naýryz merekesi kezinde adamdar bir-biriniń úıine qonaqqa barýy kerek. Biraq osy jylǵy mereke tar otbasylyq sheńberge aýystyryldy. Tipti keıbireýler tek qońyraý soǵýmen ǵana shektelip otyr. Osy jaǵdaıda da atalmysh kompanııa qashyqtyqtan bolsa da qarttarǵa jylý men qamqorlyq syılaǵysy keledi.
Olar aldyn-ala qońyraý shalyp sút, shaı, sý jáne shyryndy baılanyssyz ádispen jetkizedi.
Kompanııa elimizdegi túrli qaýymdastyqtar men belsendi adamdardy qarttarǵa jaqsylyq jasaý estafetasyn qoldaýǵa shaqyrady.