Aqparat jáne qoǵamdyq damý mınıstri Dáýren Abaev «El arna» jáne «Balapan» telearnalarynan oqýshylarǵa arnalǵan qosymsha vıdeo sabaqtar kórsetiletinin aıtty.
«6 sáýirden bastap qazaqstandyq mektepter qashyqtan oqytýǵa kóshedi. Qazir Bilim jáne ǵylym mınıstrligi uıymdastyrý mehanızmderin pysyqtaýda. Bul jóninde barlyq jańalyqtardy jaqyn ýaqytta habarlaımyz. Sondyqtan túsinistik tanytyp resmı málimdemeni kútýdi suraımyz. Qazir mektepter men muǵalimderdi suraqtyń astyna alyp, aıyptaýdyń reti joq. Bul másele Úkimettiń quziretinde», dedi Dáýren Abaev.
Osy oraıda mınıstr «El arna» jáne «Balapan» telearnalarynan oqýshylarǵa arnalǵan qosymsha vıdeo sabaqtar kórsetiletinin aıtty.
«Bul negizgi emes, qosymsha shara. Ony Bilim jáne ǵylym mınıstrligi daıyndaǵan. Olar «Balapan» arnasynan qazaq tilinde kórsetilse, al «El arnadan» orys tilinde kórsetiledi», dedi ol.