Elimizge taıaý kúnderi koronavırýsty anyqtaýǵa arnalǵan 250 myń test jetkiziledi. Bul týraly Aqparat jáne qoǵamdyq damý mınıstri Dáýren Abaev aıtty.
«Memleket basshysy aqparatty bir ortalyqtan taratýdy tapsyrdy. Bul jumysqa jaýapty bolyp Aqparat jáne qoǵamdyq damý mınıstrligi bekitildi. Sondyqtan aldaǵy ýaqytta biz sizderge memlekettik komıssııa, Úkimet, ortalyq memlekettik organdar atqaryp jatqan sharalar týraly turaqty túrde habarlap otyramyz. Biraq bul jýrnalısterdiń jergilikti atqarýshy organdarmen qalyptasqan jumysyna kedergi keltirmeıdi. Densaýlyq saqtaý basqarmalary qajetti bolǵan kezde sizdermen burynǵydaı baılanysty bolady», dedi Dáýren Abaev.
Budan soń, ol jaqynda Qazaqstanǵa koronavırýsty anyqtaýǵa arnalǵan 250 myń test ákelinetinin aıtty.
«Búginde elimizde 60 myń test bar. Taıaý kúnderi bizdiń qolymyzǵa taǵy da 150 myń test túsedi. Kelisimshart jasasý kezeńinde tur. Taǵy da 100 myń test demeýshilerdiń qarajaty esebinen satyp alynady. Koronavırýsty anyqtaýǵa arnalǵan test halyq úshin tegin júrgiziledi», dedi Dáýren Abaev.