Elimizde juqpaly indettiń jyldam taralýyna oraı aımaqtaǵy aýrýhanalar men medısına qyzmetkerleriniń jumysy erekshe jaǵdaıda kóshirilýde. Qazir Almaty oblysynda 9 myńǵa jýyq naýqas qabyldaıtyn oryn daıyn tur. Qajet bolǵan jaǵdaıda tósek oryn sanyn 11 myńǵa deıin jetkizý múmkindigi bar.
Bul týraly aımaq basshysy Amandyq Batalovtyń tóraǵalyǵymen ótken selektorlyq otyrysta oblys ákiminiń orynbasary Batyrjan Baıjumanov málimdedi. Qaýipsizdik sharalarynyń kúsheıtilýine oraı aımaqta adam kóp jınalatyn oryndardyń jumysyna shekteý qoıylyp, qajet qyzmet qashyqtan kórsetilýde. Iаǵnı, oblystaǵy Halyqqa qyzmet kórsetý ortalyqtary osy rejımde jumys isteýde. Al juqpaly indettiń aldyn alý boıynsha mektepke deıingi tárbıe beretin oryndar tolyqtaı jabylǵan.
- Oblys aýrýhanalaryna qajetti 27 jasandy tynys alý apparaty satyp alyndy. Jaqyn kúnderi apparattar emdeý ortalyqtaryna jetkiziledi. Jalpy, suranys boıynsha aımaqqa áli de 83 jasandy tynys alý qondyrǵysy kerek. Bul máseleni sheshýdiń joldaryn qarastyryp jatyrmyz, - dedi oblys ákiminiń orynbasary Batyrjan Baıjumanov.
Almaty oblysy