Oblysta 10 kásipkerdiń tótenshe jaǵdaı talaptaryn saqtamaǵany anyqtaldy
О́skemende elimizde jarııalanǵan tótenshe jaǵdaı talaptaryn saqtamaı, túngi saǵat 22:00-den keıin jumysyn jalǵastyrǵan 27 jastaǵy kásipker qamaýǵa alyndy. Bul týraly oblystyq Polısııa departamentiniń baspasóz qyzmeti habarlady. «Oǵan ákimshilik hattama toltyryldy, endi ol ákimshilik sottyń qaýlysyna sáıkes 15 kún merzimge qamalady. Sondaı-aq, 22 naýryzda ınternet-klýbtyń saǵat 22:00-den keıin jumys istegeni belgili boldy. Sot sheshimimen Glýbokoe aýdanynyń 23 jastaǵy turǵyny QR Ákimshilik quqyq buzýshylyq kodeksiniń 476-baby (Tótenshe jaǵdaı rejımin buzý) boıynsha ákimshilik jaýapkershilikke tartyldy. Jalpy, búginde oblysta 10 kásipkerdiń tótenshe jaǵdaı talaptaryn saqtamaǵany anyqtaldy» delingen departamenttiń baspasóz qyzmeti taratqan málimette.
Shyǵys Qazaqstan oblysy