Koronavırýs pandemııasy boıynsha AQSh-taǵy qazirgi jaǵdaıǵa baılanysty búgin Vashıngtondaǵy Qazaqstan Elshiliginiń jáne Nıý-Iork pen San-Fransıskodaǵy Qazaqstan Bas konsýldyqtarynyń kómegimen AQSh aýmaǵyndaǵy 55 otandasymyz elge qaıtaryldy. Bul týraly Syrtqy ister mınıstrliginiń baspasóz qyzmeti habarlady.
SIM birqatar halyqaralyq áýe reısiniń bolmaýyna jáne sheteldikter úshin tranzıttik aımaqtardyń jabylýyna baılanysty bizdiń kóptegen azamatymyz Qazaqstanǵa ushyp shyǵý múmkindiginen aıyrylǵanyn aıtty.
«Osy jaǵdaıdy nazarǵa ala otyryp, Qazaqstannyń AQSh pen Reseıdegi Elshilikteri birlesip, otandastarymyzdy Nıý-Iorkten Máskeý arqyly tranzıtpen ushyrdy» dep málim etti Syrtqy ister mınıstrliginen.
Elimizdiń AQSh-tyń Nıý-Iork qalasyndaǵy Bas konsýldyǵynyń málimetinshe, sońǵy eki kúnde Qazaqstanǵa barlyǵy 93 adam kelgen. Al búginde taǵy da 8 qazaqstandyq elge oralýǵa daıyn otyrǵan kórinedi.
Eske sala keteıik, buǵan deıin Qazaqstannyń 33 azamaty Saýd Arabııasynan aman-esen elge kelgen bolatyn.